最近少咗出街，weekend shopping都變咗去supermarket掃貨，順便多咗時間鑽研下廚藝！ 今次下廚煮簡易版「豚肉角煮」大成功！日式小菜通常都好易整只係步驟繁複，香濃嘅肉同汁送飯一流～成功感大增！:)   【豚肉角煮 3人份】 材料： 五花腩－2大條（街市買約$80） 甘筍－半條 糖－2湯匙 蠔油－2湯匙 生抽/日式豉油－4湯匙 味啉－4湯匙 水－1杯 薑－適量 蔥－適量 做法： 1. 五花腩切件，加薑汆水，備用 2. 同時間準備甘筍切件，備用 3. 將五花腩鋪喺鍋內，落水、糖、蠔油、豉油、味啉、薑、蔥 4. 用多功能電鍋炆煮15分鐘 5. 輕拌後再焗45分鐘，基本完成 （明火的話，水滾後細火炆2個鐘，中間輕拌衡勻入味） 貼士： －在職媽媽可以喺夜晚metime煮定，浸到第二晚就入晒味 :p －如果想加厚日式風味可以加入白蘿蔔同原味日式腐皮（油揚）一齊炆煮 －或者喺基本完成後加入烚蛋/溏心蛋浸至入味 －基本完成後可以即食，浸2-3個鐘以上效果更佳 －食之前再翻熱就可以上碟     是次小分享完畢，有興趣可按 麵語錄食玩遊記 by Aminn 或 C家重地 Be a Asterholic 其他分享 :)           Aminn | Beauty．Food．Fun．Parenting．Trendy｜    麵語錄食玩遊記 by Aminn (Lifestyle) www.facebook.com/m.for.aminn  www.instagram.com/starzaminn    C家重地 (Parenting)  www.facebook.com/sy.lam.family　   任何合作請接洽：aminn613@gmail.com