［無調味寶寶食譜］懶老母嘅一鍋二食（老母、小主兩個都有得食）   前言： 老實講 本老母 廚藝一般 因為要整輔食 先開始認識煮飯 我同小主嘅舌頭 都係經歷過苦難先來到今日 唔識煮 咩都要雙倍工夫 洗D碗都一大堆 所以我參考 二人同行 折上折嘅市場概念 煮一次 兩個人食 簡單講 即係BB食咩 我食咩 食左幾個月無味BB飯 最後練成老母都有好嘢食嘅功力 以下落黎分享嘅 唔算美食 但味道尚可 只係想幫同行們 快快煮完 快快食完 快快洗完 快快氹小主去訓 然後 ME TIIIIIIIIIIIME！！！！ 就係咁簡單 STEP1 準備材料  為左爭取ME TIME去到最大化 材料嘅嘢 牛肉雞肉豬肉菜芯生菜蝦子面通粉飯 有咩用咩 我用嘅材料有呢D： 豬肉 蒜頭 波菜 勝瓜 BB面 越南河粉 STEP2 洗切材料 要快 次序好重要 首先，摘波菜葉，浸水 洗乾淨豬肉，浸水 洗勝瓜， 批皮，切條 蒜頭，切碎 呢個時候豬肉已經浸得並不多 可以切碎或切片（視乎小主識咬未）   STEP 3 開爐煮 開中火，落油 我用好似健康D嘅牛油果油 落蒜頭，炒香 落豬肉，炒到半熟 落勝瓜，炒兩炒 逐少加常温水，直至夠煮面 煮滾後，轉細火煲多陣等材料出味 用筲箕先煮BB面及部分波菜 煮好後盛起，待涼 然後開始煮本奴婢嘅份 然後落河粉，餘下波菜 落鹽、豉油、麻油、蠔油、糖調味 然後就完成啦 最後要洗嘅嘢就係咁多 20分鐘準備 20分鐘食 10分鐘洗碗 希望能夠幫到咁多位抗疫其間辛勞嘅同行！