繼續停課之親子入廚！ 小b今次整蕃薯蛋糕，由磅材料至畫pooh pooh 都係自己做！ (除咗蒸嘅環節，由媽媽代勞) 蒸同焗都得，我哋就用蒸嘅方法，食落質感有啲食緊蕃薯味嘅馬拉糕咁，hahahaha...     材料: 1. 低筋麵粉 100g 2. 雞蛋 2顆 3. 無鹽牛油 40g (放置室溫) 4. 蕃薯 約90g 5. 糖 30g   做法: 1) 雞蛋分開蛋白及蛋黃。 2) 蕃薯蒸熟，去皮，趁熱加入牛油，用叉壓爛拌勻。篩入低筋麵粉拌勻到無粉粒，再倒入蛋黃拌勻，備用。   3) 用廚師機以最高速將蛋白先打至起泡後，慢慢分2次倒入糖，將蛋白打企身。 (用電動打蛋器都可以)。 4) 將1/3的蛋白加落麵糊內，以切拌方式輕手拌勻後，將餘下的蛋白加入，以切拌方式拌勻。 5) 將麵糊倒入模具內至9分滿，輕敲幾下。 6) 水滾後，用大火隔水蒸15分鐘。(可改成焗爐焗)