[小熊與薯片兔的生活日常] 如何準備母乳/人奶到醫院俾bb？ 薯片兔妹妹比原定早左兩個月出世，所以媽媽出院時，妹妹未可以跟爸爸媽媽返屋企..  作為媽媽，我都希望可以俾到多啲人奶俾妹妹，特別係”黃金初乳”... 可惜妹妹未真正學識自己食奶奶，主要靠用針筒吊營養液或奶奶佢食... 所以出院返屋企後，我就努力泵奶，踏入”奶媽生涯” (上一胎，泵奶好容易塞奶，今次既然避免唔到泵奶命運，唯有希望自己唔好塞奶) 要安全地運送”媽媽奶”到醫院俾妹妹，一定要注意同跟足醫院要求... 瑪麗醫院要求用有蓋針筒/儲奶樽儲起”媽媽奶” (每間醫院要求不同：有啲醫院鐘意即棄儲奶杯)...每枝有蓋針筒/儲奶樽都分好妹妹每餐奶量，如果泵出奶量多於妹妹食量需求，就要分開不同有蓋針筒/儲奶樽存放，然後雪到冰格 (要冰奶，不要雪奶) 準備好一樽樽嘅”媽媽奶”，就要留意冰袋同冰種，要夠凍 (運送途中，如果不幸溶左，就唔要得喇)... 冰袋同冰種，去 Aeon Living Plaza 買就有喇 (醫院護士建議，冰袋裡面放3-4塊冰種)... 4種冰種+1個冰袋，共 $60攪掂，可以安心 pack”媽媽奶”送去醫院...  希望妹妹食多啲 “媽媽奶” 吸收好啲啦.. “新冠肺炎”下，瑪麗醫院嘅探病/送母乳操施亦有特別安排： - 加護病房探病時間：15:00-20:00hrs (只能bb爸爸媽媽探病) ，探病前需在醫院大堂門口登記及量體溫，到達加護病房前再次登記及出示體溫卡.. 探病期間，只能爸爸或媽媽其中一人進入，不能同時進入加護病房.. 同時，爸爸媽媽亦能在探病期間，將”媽媽奶”親手交俾加護病房護士..  - 如果爸爸媽媽未能前往醫院探病，就只能在探病時間 15:00-20:00hrs 交俾家人代送”媽媽奶”到醫院 (由於加護病房只準許bb爸爸媽媽進入，所以家人代送”媽媽奶”只能送到加護病房大堂外，交俾職員，然後由醫院安排人手將”媽媽奶”轉交給病房護士) - 醫院每天指定時間 10:00-11:00hrs 都是收集物資時間.. 家人代送”媽媽奶”到醫院地下大堂收集區，然後需要填妥一份表格，再把”媽媽奶”+表格送給職員，由醫院安排職員將”媽媽奶” 送到病房護士手中(但感覺不太安心，所以我自己較建議爸爸媽媽前往探病，並親自送奶)  #aeonlivingplaza #母乳儲存 #母乳運送 #小熊與薯片兔的生活日常  #小熊與薯片兔媽媽 #香港媽媽 #香港blogger #澳門媽媽 #澳門blogger =============================== Facebook： https://www.facebook.com/jaynjocemami/ 生活易靚太 club： https://wow.esdlife.com/bi_be 香港媽咪幫 mamibuy：小熊與薯片兔媽媽 https://mamibuy.com.hk/home/19407