前兩日去左試呢間 Mint Thai House 薄荷葉泰國菜，難怪openrice咁多好評，因為確實唔錯     店環境幾舒服企理，有室內同外，室內格局有啲啲酒吧feel。 天氣涼涼地咁舒服更係坐室外啦     當晚我地三大一小，叫左以下食物： 冬蔭公（細） 雖則話係細，但我地三個大人分飲，每人都有兩碗，而且內裏仲有蝦， 車厘茄，同好多香葉；聞落椰汁味都好香，不過飲又唔太覺有味都唔算好辣。 特色菠蘿飯 木桶上，分量多。入面有蝦， 魷魚，肉鬆，腰果 等等......當然唔少得菠蘿粒 本身已經整得好食，木桶上再加分（美觀呢啲少不得架嘛） 泰式炒金邊粉 又係一道花心思嘅菜式，睇相就知啦上面插住隻蝦，蛋皮包住哂金邊粉，四邊放住唔同配料，將配料撈勻哂就食得。其中一樣係辣醬，唔食得辣可以唔撈。唯一缺點係細份左啲（對我地三大一小黎講，同埋等得耐左啲）     好可惜仲有 泰國菜 必食嘅 炸蝦餅 原來無落到單都好，有籍口去食過     地址： 元朗安康路怡康大廈地下12-13號鋪                 產品試用/活動邀請/其他合作 歡迎聯絡：tanleesharon2004@yahoo.com.hk 謝謝 Fb: [http://www.facebook.com/leessssfamily]