今次介紹呢間餐廳，跑車迷一定岩哂，名都有得你叫啦 通常呢啲主題餐廳可能以伏味多，但呢間絕對係一等一好味 前年聖誕已經黎過一次食佢個聖誕餐，已經好回味，早兩日再去試下其他野     餐廳細細間，無記錯室內得一張六人、兩張四人、一張二人枱；室外亦有座位，而且都好光猛。 室內座位全部都係跑車設計嘅凳。     我地今次叫左個四人餐：頭盤四選二、四碗餐湯、主菜四款、四杯餐飲＄728+1 當晚我地嘅餐湯係：蕃茄湯，飲完幾開胃（唔好意思，要湊住晞晞無影到相） 頭盤：蜜糖雞翼拼芝士薯條 雞翼係炸嘅，不過炸雞翼一定無得輸對我黎講，如果蜜糖味再重啲就好啦 芝士薯條一貫好味 頭盤：焗蟹肉大蘑菇 雖則呢道菜無乜特別，不過都整得好好味，底下仲有沙律菜可以係食主菜前fresh一下先 主菜： 燒牛肋骨 之前聖誕食個次已經驚訝份份主菜都夠哂份量，今次黎都仍然係，真係要俾十個讚 肉質好嫩滑，好易起肉，就算唔配汁都好正，係我呢晚最中意嘅一道菜 主菜：燒豬鞍扒 整得好靚賣相已經加分表頭塊菠蘿 juicy，伴碟仲有薯條同翠肉瓜。好多時豬都比較鞋口，但呢個唔會，都好易切開。 主菜： 肉醬意粉 迎合返軒軒，所以唔算特別。 主菜：賽車手薄餅 呢個我都相當中意，係我最中意嘅第二道菜。薄批上，邊位就算凍左都好脆熱辣辣個時食啲芝士好正（請原諒無影相） 單點： 墨汁海鮮意大利飯 我詞窮啦，容許我講句：好好味阿     餐飲包普通檸茶檸水，咖啡或茶 +＄10 有 即磨咖啡、汽水、橙汁、朱古力 叫左杯橙汁俾軒軒同我share，佢又有得飲橙汁發大達 +＄20 有 特飲  法拉利草莓乳酸       地址： 元朗屏山坑尾村105號地鋪 如果揸車去嘅話，餐廳職員會有指示架車可以泊去指定位置                   產品試用/活動邀請/其他合作 歡迎聯絡：tanleesharon2004@yahoo.com.hk 謝謝 Fb: [http://www.facebook.com/leessssfamily]