吾知有冇人同我一樣 做媽媽之後覺得自己好似咩都擔心一餐……? 由準媽媽升lv做新手媽媽 回想起而段時間有好多野我都擔心過   準媽媽時期: 每次產檢我都會擔心 擔心麒豬健吾健康 擔心會吾會偏大偏細 擔心麒豬吾夠營養 擔心未買齊bb用品  心情吾好嘅時候 又會擔心影響到麒豬 當知道自己有妊娠糖尿嘅時候 每次篤手指都會擔心自己超標 擔心自己瘦吾翻 擔心會吾會早產 當知道麒豬一邊腎偏大嘅時候 我擔心左一段時間 到佢三個月大覆診話正常翻 我先放下心頭大石…… (個陣我都有d懷疑自己有產前抑鬱 咩都擔心一餐 哈哈哈~) 升lv做新手媽媽開始:   由一開始擔心自己餵奶餵吾好麒豬食吾飽 擔心自己掃風掃吾好 擔心麒豬會吾會太熱/太凍 麒豬半晚係咁喊 又擔心佢係咪吾舒服 到之後麒豬腸胃炎 就擔心d野係咪吾夠乾淨 定係掃風掃吾好 去健康院嘅時候又會擔心佢會吾會過重/過輕 開始加固又會擔心佢食吾夠 吾識咬 吾識吞 每次訓教喊醒 又會擔心佢係咪訓得吾好 而加疫情嚴重 更加擔心佢有冇吾舒服 擔心屋企周圍夠吾夠乾淨 擔心口罩夠吾夠…… (其實我真係好多野都擔心一餐......) 回想起我一路以來「N樣擔心」我自己都忍吾住笑自己大驚小怪>< 不過就係有咁多嘅擔心 擔心過後令我而位新手媽媽學到更多野 除左小朋友一日一日咁成長 其實父母都係 只不過學嘅野吾同 相信未來都會繼續有吾同野擔心 不過我都相信每一次擔心過後 都會令我地一步一步學習去做位更好嘅父母  多謝 麒爸每一次我擔心嘅時候都係我身邊 多謝一班媽媽係我擔心嘅時候 用心解答我嘅問題 安慰我叫我吾洗咁擔心 教識我點去處理  希望各位同我一樣會有「十萬個擔心」嘅媽媽 吾好比太大壓力自己 因為無論產前產後你嘅情緒都會影響到小朋友 希望大家可以盡量放鬆心情 相信你擔心嘅事情好快會解決 加油~ 歡迎Follow小麒豬成長記: IG:https://www.instagram.com/lkeiminipig?r=nametag Facebook專頁:https://www.facebook.com/小麒豬成長記-103634774382993/ U Blog:https://blog.ulifestyle.com.hk/blogger/lkeiminipig/ MamiBuy香港媽咪幫:https://mamibuy.com.hk/home/17775 Esdlife:http://wow.esdlife.com/lkeiminipig 聯絡電郵: lkeiminipig@gmail.com