準媽咪由懷孕，產後，照顧初生嬰兒，真係有好多事情和物品需要準備。初生嬰兒需要嘅用品，好多都有親友送，但係好多時行過路過見到啲BB仔用品咁可愛，有用無用都忍唔住買。 有啲BB用品，多一件半件，其實都無傷大雅。好似我咁，屋企有過百條紗巾，不過好環保，又可以用好多年。 但係有啲BB用品，真係唔需要，除咗浪費金錢之外，更加有機會會影響BB健康造成危險，其中一樣，就係BB枕頭。 連美國食品藥品監督管理局 (FDA)都大力呼籲，初生嬰幼兒根本不需要枕頭，亦不需要固定枕。 初生嬰兒不需要枕頭的原因有以下幾個： 1. 初生嬰兒的頸和頭很軟，只要平躺就可以，根本不需要枕頭承托 2. 幾個月大初學轉身的嬰兒，如果用枕頭，有機會增加窒息的風險 3. 枕頭物料多用純綿，透氣度低，BB頭仔容易太熱出汗，引致皮膚敏感 4. BB枕頭通常特別軟，BB長時間瞓覺，有機會個頭越訓越扁 有啲固定枕話有特別設計可以預防BB窒息或猝死，FDA亦澄清從來沒有認證任何品牌的固定枕有這樣功效。 浪費金錢固然唔好，但係BB健康安全更加重要。靚唔靚，是否名牌其實都係其次，購買嬰幼兒用品，安全永遠放在首位。 #枕頭可以日間俾BB用一陣 #固定枕就真係唔需要啦 FDA資料: https://www.fda.gov/consumers/consumer-updates/do-not-use-infant-sleep-positioners-due-risk-suffocation FB: https://www.facebook.com/AnnieLeeDiet/ #嬰幼兒用品 #BB枕頭 #BB固定枕 #營養師 #Nutritionist #AnnieLee