出爐喇!好香牛奶味嘅小包包,真係好鬆軟好啱小朋友食呀!連細佬波都極速食咗個!俾小朋友做早餐或下午茶啱晒呀! 重點係簡單易整,手殘都0失敗呀! 材料: 北海道3.6牛奶 185ml 酵母 4g 高筋麵粉 250g 糖 30g 鹽 3g 無鹽牛油 20g 做法: 1.把牛奶弄暖,再加入酵母,備用 2. 高筋麵粉加入糖和鹽拌勻,加入(1)和牛油,手搓至起膜,在暖處發烤1小時 3. 取出發酵好的麵團,平均放為16份,再把麵團搓圓至表面先滑,放好桌上,蓋上保鮮紙,鬆弛15分鐘 4. 15分鐘後再把麵團搓圓至表面光滑,放入焗盆發酵至發大1.5倍 5. 灑上高筋麵粉,放入150度焗爐,焗17分鐘後,完成 如果用麵包機搓麵團亦可,步驟可由(3)開始