湊初生寶寶最辛苦莫過於一天24小時無限輪迴餵奶,掃風,換片,洗奶樽, 泵奶... 大仔初出世頭兩個月由於是新手爸媽加上偏向緊張, 整個月都是沒有睡一覺超過兩個鐘～.～結果嘛... 就是兩敗俱傷, 睡不好白天就沒精神, 又容易燥底, 自己想補眠於是乎白天也常常想呀仔飲飽奶去訓覺, 呀仔訓著自以為快手做哂啲家務就可以訓下...... 點知眼尾偷偷望下呀仔原來已經又訓醒左, 然後又無限loop 以上步驟, 超～崩潰呀！    大家有同感嗎？   六年多前生了大仔便經歷了兩個月這種非人生活, 好想令到BB 食奶及瞓覺有規律兼且戒夜奶, 因為只要BB 飲食作息有規律, 大人才可以有覺好訓<—— 這個先至係重點嘛！   幸好有朋友介紹我睇Gina Ford 的一本育兒書, 裡面內容係教大家喺初生BB 唔同階段的全天候24 小時時間表, 佢亦有提議唔同階段(初生至一歳唔同時間飲奶份量, 放電次數, 睡眠策略及分析原因的, 當然自己要因應自己BB 的反應而稍作調整   頭一兩日跟時間表很困難, 因為你總是認為她建議做的事跟你平時差不太遠, 沒有什麼説服力, 那時我地心諗反正無其他辦法, 所以就跟住做...   結果呢？大仔喺一個星期左右就跟到晒, 仲要由10pm Zzzzzz 到7am ! 當時簡直覺得Gina Ford 係救世主:p 仲買左幾本書送俾有需要嘅朋友   相隔六年多到妹妹出世, 坦白講我已經唔係好記得時間表呢回事, 而且我而家喺英國產假比較長, 所以今次開頭係採取放任模式的, 哈哈哈！畢竟今次不是新手媽媽又沒有趕著捱眼訓返工的壓力, 所以便沒有動力去跟時間表, 大約兩星期前發現妹妹食玩訓都無定時, 而且有時太餓或者太眼訓仲會喊到好犀利... well, 於是神隊友又再次搵返本書出黎跟時間表喇～   結果呢？幾日後又調好了, 妹妹的奶量仲由150ml 加到180ml , 訓覺食奶同便便準時, 希望可以繼續維持維持:p 爸爸媽媽輕鬆了不少！   我家妹妹(3-4 個月）時間表如下： 7:00 起床 7:15 飲奶180ml + 掃風 7:40 遊戲, 搽lotion 按摩 9:00 小睡 10:00 遊戲或外出散步 11:00 飲奶180ml + 掃風 11:20 聽兒歌 12:00 小睡 14:30 飲奶180ml + 掃風 14:45 外出散步/ baby gym 放電(中途飲兩啖水） 1630 休息(如果1200 嗰覺睡不好的話bb 會恰眼訓補眠） 1700 飲奶120 ml + 掃風 1800 沖涼 1840 飲奶120ml +掃風 1900 訓覺 2230 半夢半醒飲奶180ml + 掃風   有時候半夜會發聲, 通常執返個奶咀俾佢就可以訓到6點幾7 點 當中有幾個關鍵位～ - 每餐奶要吃到90% 先可以有效建立規律睡覺用 - 睡袋會訓得好啲 - 放電時間真的要放電, 外出散步bb 望多啲野或簡單運動下bb 四肢會令bb 疲倦的, 不要想得太複  - 食得好才會訓得好, 訓得好才會食得好, 所以要有耐性調節的   歡迎分享心得, 你有好的提議嗎？加油????