小朋友最近無學上，好多爸爸媽媽都會諗一些可以讓佢地一齊參予做嘅食譜，等佢地可以消磨下時間。我發現Damien參予過做嘅食譜都會好鐘意食，唔知係咪因為佢要完全知道所有成份先至會放心食 ????！ 除了以下食材，需要嘅特別工具有做Donut嘅焗盤。呢個焗盤大部分烘焙店都會買得到。 食材（份量夠做18隻迷你donut） 中筋麵粉 2杯 糖 半杯（隨意） 小蘇打 1/3茶匙 豆蔻粉 1茶匙 肉桂粉 1茶匙 鹽 半茶匙 白脫牛奶 (buttermilk) 3/4杯， 或 3/4杯牛奶 加 1/4茶匙 檸檬汁或白醋 雞蛋 2隻 無鹽牛油 50克，已溶 如果大人食埋一份可以蓋一層糖霜 -做法 糖粉 2杯 牛奶 5西羹 雲尼拿精華 1茶匙   如果家裡沒有，或者爸爸媽媽不想用小蘇打的話都OK嘅，小蘇打作用係與白脫牛奶一起用，個餅會鬆化點，有空氣感，質地唔會咁實。白脫牛奶在香港不是很容易買得到，需要在類似Taste，比較大型的超市才會找得到。白脫牛奶保鮮期是比較短，如果不是經常烘焙或炸雞會很少機會用到。沒有白脫牛奶在家裡其實都可以很容易做到。全脂牛奶+檸檬汁或白醋 就可以了！提提大家如果選擇不用小蘇打的話就不需要用白脫牛奶喇，因為兩者都是同一時間需要才能達到起泡嘅效果㗎！