最近，因為大台重播了一套劇集，令我有追下去的衝動 但跟電視嘅進度的話，一定日日心掛掛 好彩我能在網絡世界上找到一個平台 要邊集有邊集，想追就隨時追，想停就隨時停 終於用左好長時間，追完了，當年播嘅時候，我仍然處於一個冇婚姻冇小朋友嘅狀態，任何感動位完全冇想流淚嘅衝動，可以話係一個無情感嘅人，但人變了，今次睇返，我竟然會觸動情緒，眼淚自不然會流出嚟～～   一健頭與魚仔 兩個人終於開花結果，由冤家變夫婦 其實有句說話形容得好啱～～ 結緍當日婚姻誓詞上無一句說話係答應對方要照顧終老，只係有講過...無論富貴抑或貧窮，健康抑或疾病，都要在大家身邊陪伴住，不離也不棄～～   洋蔥與車車 明明最後選擇相愛郤不能繼續愛，因為車車患有絕症不能醫治，小時說過只有3-10年命，10年過去了，死期將至，做她想做嘅事，完她想完嘅夢，最後離世，當然是傷心絕望，人生就係無常   兩段關係.....電視上的確係有嘅，但事實生活中會唔會存在呢？ 。 。 。 。 我唔知道....因為我從未遇過！ 如果幻想自己係「魚仔」，身體有事但有個好愛錫自己嘅老公 如果幻想自己係「車車」，有絕症但過得好快樂，看透生死無常 。 。 。 我諗我選擇唔去幻想，安於現狀！ 愛！記得要愛得及時～～