就快夏天喇~ 夏天我最鐘意就係食泡飯喇~ 泡飯喇喎~ 梗係要食海鮮泡飯先夠滋味啦~ 快啲跟住個材料單去買餸, 同我一齊整海鮮湯泡飯啦~   材料: 肉蟹 1隻 中蝦 半斤(14隻) 魷魚 1隻 紅衫魚 3條 翠肉瓜 1個 雞湯 500ml 薑 3片 白飯 3碗     做法: 1. 肉蟹洗淨後隔水蒸15分鐘至熟, 放涼備用 2. 中蝦去殼後挑腸切粒, 蝦殼留起備用     3. 魷魚去內臟及去衣後切圈備用     4. 翠肉瓜洗淨切粒備用   5. 洗淨及晾乾紅衫魚, 同時滾雞湯及1公升水 6. 中大火起鑊, 爆香薑片後放入紅衫魚煲, 煎香紅衫魚後放入蝦殼, 聞到蝦殼香味後攢入整煲熱水, 滾起後轉小火煲20分鐘     7. 肉蟹放涼後起肉備用   8. 海鮮湯煲好後隔渣倒回煲中   9. 加入翠肉瓜粒及蟹肉, 滾5分鐘, 之後加入蝦粒及魷魚圈至煮熟, 最後加入白飯, 食得     1.5歲以上無海鮮敏感可食 想睇片一齊做, 可以 >>按我<<   米豬呢個咀刁寶寶, 見到我買咗蟹蟹返嚟已經十級開心, 成隻蟹拆埋肉比你咁食法, 梗係笑到見牙唔見眼啦~     煮食小貼士: 1. 唔識劏蟹唔緊要, 可以叫海鮮檔代勞ga~ 2. 特登去買蟹拆肉太麻煩嘅話, 可以用蟹柳切粒代替 3. 煲魚湯底時, 攢水後記得勁叉啲魚同蝦殼, 最好壓爛啲, 咁就好出味ga喇 4. 記得攢落煎魚嘅水要大滾, 咁樣啲湯先會奶白色ga ga 5. 唔鐘意食翠肉瓜, 可以轉做冬瓜, 節瓜, 主子喜歡便好 6. 魷魚層衣比較難0趙開, 所以最好就撕咗佢啦, 唔撕就0趙耐啲喇~ 7. 我個雞湯係自己熬的, 冇鹽冇味精, 如果冇時間熬又唔想小朋友食味精雞湯, 可以全完以清水代替, 因為咁多魚同蝦殼煲埋已經好鮮甜 8. 爸爸話最好加埋帶子粒喎~ 下次啦~   米豬豬的page~ 每日都update~  歡迎各位like & follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/