長頸鹿麵包整咗2次，改良食譜，今次出爐時都幾滿意!   因為麵包夠鬆軟，鹿紋好清晰 haha 朱古力包中間加埋朱古力粒，更好味!  大家都試吓做 ^^       食譜  第89回   材料   (原味麵糰) 高筋麵粉 300g 牛奶 220g 糖 30g 鹽 3g  無鹽牛油 18g 酵母 3g     (朱古力麵糰) 原味麵糰 320g 可可粉 15g 水 10g   朱古力粒 32粒 （多啲都ok)         做法 1. 將「原味麵糰」材料放麵包機內用「麵糰」mode搓好 2. 將麵糰取出，分2份，將320g原味麵糰放回麵包機內，加入可可粉及水，用 「麵糰」mode搓成朱古力麵糰(大約15分鐘即可)    3. 原味麵糰搓圓，收口位收在包底蓋上保鮮紙發酵1小時;  朱古力麵糰搓圓，收口位收在包底同樣蓋上保鮮紙發酵1小時 4. 2款麵糰排氣後搓成長條形，分成8份，有大、中、小麵糰     5.先將朱古力麵糰桿平再捲緊成長條狀(愈緊愈好），收口捏緊，原味麵糰同樣桿平後（要桿平得比朱古力麵糰大）以包住朱古力麵糰 -->「小號」原味麵糰包小朱古力麵糰 -->「中號」原味麵糰包中朱古力麵糰 -->「大號」麵糰包大朱古力麵糰 **在其中4條朱古力麵糰內包入8粒朱古力粒**     6.最後得到8條白麵糰都包住朱古力麵糰 （2小，4中，2大）     再用以下次序放入吐司模內：   底層：小 + 大 + 中麵糰 中層：中 + 大麵糰 頂層：中 + 中 + 小麵糰   再發酵多1小時   7.預熱焗爐，以190度焗40分鐘 8.從焗爐取出脫模即可       ————————————   請Like Facebook 海馬仔成長日記  │ 亦歡迎大家電郵聯絡我們試用產品或出席活動~ =====海馬仔Channel===== Facebook │ Instagram │ Blogspot│Girlssss SundayKiss│ Ohpama.com│ Cook1Cook│MamiDaily Mamibuy │ ESDLife │ 媽媽經 │ 親子集合#tagmum  ilovemama │ She.com│U Blog│WeShare│Pixnet 部落格