又係時候幫妹妹申請特區護照+身分證，哥哥特區護照差不多到五年期，準備續証，所以今次兩個人一併申請！先講3個月BB妹妹護照申請，後面再講特區護照就過期嘅哥哥點樣續証。 A) BB第一次申請 第一次幫BB申請特區護照其實好簡單，但係入境處硬係寫得好複雜驚死你唔明。以下係簡化左需要準備嘅嘢： 以防萬一，我哋係親身去入境處搞。準備以下文件就可以啦！ 1) ID842 表格(16歲以下兒童護照申請書) https://www.immd.gov.hk/pdforms/ID842n.pdf 2) ROP3 表格(11歲以下人仕身份證申請書) https://www.immd.gov.hk/pdforms/ROP3.pdf 3) ID641 表格(副署事項表格，即父母以外、年滿18歲的第三方見證人士表格)及其身份證副本 https://www.immd.gov.hk/pdforms/ID641n.pdf 4) BB證件相3張 (其中1張貼在 3) ID641表格給副署人在相片與表格上跨越簽署, 另外2張交入境處, 1張護照用、1張身份證用) 5) BB出世紙副本 6) BB家長申請人的身分證 7) 護照申請費用: $185(32頁護照價錢), $230(48頁護照價錢) 整理好文件後，可以預先喺網上預約申請日期及時間。今次申請，今日預約聽日就可以去喇！由去到登記到俾錢走得，成個過程唔使20分鐘。 交晒錢後佢會比張飛仔你喺指定日期取證就可以，如果BB第一次已經比入境處職員見過，取證果日就唔需要出現！反之亦然。 Ref: https://www.immd.gov.hk/hkt/service/travel_document/apply_for_hksar_passport.html#secondTab 至於哥哥第二次申請特區護照（續証）就更加簡單，只需要喺網上download入境處個app，跟着指示做最後網上過數就完成喇！ STEP 1: download 入境處app   Step 2:  按入申請香港特區旅行證件之後照指示輸入資料  Step 3: Upload小朋友白色背景相片 Step 4: 去到依頁，大家可以揀選學校證件嘅選項，用電話影張學生手冊資料欄嗰頁upload就可以 Step 5: 最後網上過數，完成後就會出現確認書，之後會將領證通知書email去你登記電郵，收到通知書後去領取新嘅特區護照就可以。提提大家，去領證時小朋友要出現，同埋記得帶家長ID同埋小朋友學生手冊& ID！  特區護照相片規格: 你可以選擇出去晒相鋪例如：FotoMax 影/晒相，或者係屋企自己影。 通常同BB出街影証件相係一件好沮喪既事，如果你識得PS，屋企又印到相片，咁就梗係自己影啦！ Ref: https://www.immd.gov.hk/hkt/residents/immigration/traveldoc/photorequirements.html 特區護照收費: 十六歲或以上人士 (有效期為十年) 32pages - HK$370 48pages - HK$460 十六歲以下兒童 (有效期為五年) 32pages - HK$185 48pages - HK$230  Ref: ID 851 (https://www.immd.gov.hk/pdforms/id851.pdf)  兄妹二寶媽媽親子Blogger 歡迎邀請產品介紹、試玩試食、出席活動、嘉賓訪問、短片拍攝???? FB/IG/YouTube: 小肥子星球 Littlefatplanet  Email: koenplanet@gmail.com