【 安妮媽媽 二胎懷孕日記繪本 】  畫畫可以放鬆心情，懷有弟弟時就畫了第二本繪本，想隨心記錄一下第二胎孕期的感覺，第時可以回味下。 分享給大家，唔知靚媽們有無同感呢！ 親愛的弟弟，這本小畫冊是送你的第一份禮物，和哥哥一樣，想讓你知道你在媽媽的肚子裡時已經被滿滿的愛包圍住慢慢長大，我們都好期待你的到來，要給你一個幸福溫暖的家！ 希望你長大後看見這份禮物，會知道你的爸爸媽媽和哥哥是那麼的愛你！ 弟弟，你要乖乖在媽媽的肚子裡健康地長大呀！我地好愛你！ ｛ 懷孕與經期痛的分別 ｝ 仲記得當初發現懷有二寶時，我以為自己是谷經痛，因為一直以來經期前我都會谷幾日經痛，所以都不以為意。 但以往每次谷痛的時間只得幾分鐘，這次時間明顯比較長和密，而且成個人都好唔舒服又見頭暈，所以決定去睇下醫生。 醫生問哂症，就叫我去驗小便，出到黎等結果果一分鐘真係覺得好漫長又緊張，直到見到第二條線慢慢出現時，真係覺得好驚喜！ 因為實在太早期，所以開左懷孕証明就走得，唔使照超聲波。 所以如果準備懷孕，到接近驗孕的日子時唔好俾假經痛厄到呀！懷孕初期有些人個肚都會悶悶痛架！ ｛ 懷孕初期要萬分小心 ｝ 懷第二胎同第一胎真係好大分別，忙到好多時都唔記得自己胎住BB，要照顧哥哥，又要陪玩，每日都攰到極點！ 無好好休息的情況下，到孕期6週時個肚成日都覺得好痛，保險d我都係去睇下醫生，好彩照超聲波後BB一切正常，排除左子宮外孕的可能。 醫生吩咐一定要訓床好好休息，再痛就要再去睇醫生。 之後屋企人全天候幫手照顧哥哥，俾我可以休息，一個星期後我就已經無再痛了，都安心好多！ ｛ 最美妙的聲音 ｝ 第一胎懷有哥哥時因為爸爸唔得閒陪我去第一次產檢，所以我記得果次真係好緊張！ 今次爸爸終於請到假了，可以拖住手陪我產檢，當醫生俾我地聽BB的心跳聲時，真係好感動！我覺得係最好聽同最令我安心的聲音！ ｛ 每天只想訓 ｝ 今胎的反應真係好大，每日都超級超級眼訓，一訓落張床度就好似俾人打暈左咁！ 好彩安排Aidan哥哥番全日班，我平日可以好好留係屋企休息訓覺。 ｛ 孕吐 ｝ 孕期頭3個月，我每日5點後腸胃就超差，好怕聞到d煮餸味，一聞到就想嘔。每晚只食到幾啖白飯，個口苦到想切左條利落黎，輕左足足10磅。 終於捱過左頭3個月，我好似番生咁，可以食番我鍾意食的野，唔會咁眼訓，可以陪多d 哥哥玩，希望成個孕期都要順順利利呀！ ｛ 神隊友爸爸 ｝ 身邊有個幫得手的好隊友真係好重要，可以令我有更多的時間休息安胎。 Aidan真係好鍾意同爸爸玩，可能係由細到大都有陪伴的關係，佢地的感情真係好好，爸爸都好了解仔仔的需要。 感情係需要從小培養的，陪伴就係給孩子最好的禮物！ ｛ 你做哥哥喇 ｝ 同Aidan講媽媽的肚子裡有BB，你做哥哥喇！ 初頭佢都唔太明白係咩事，但見住我個肚越來越大，開始知道有弟弟係裡面，會成日走黎摸我個肚肚，好可愛！ ｛ 胎動的感覺 ｝ 今胎唔夠4個月就感覺到胎動，真係比上一胎快好多呀！ ｛ 親親弟弟 ｝ 哥哥好喜歡錫弟弟，有時玩玩下玩具會跑過來攬下我，之後就錫啖弟弟，媽媽真係覺得好溫馨呢！ 相信你會是一個暖男哥哥。 ｛ 小管家 ｝ 今胎有個小管家哥哥，會每日都提媽媽要食維他命丸，又會問我食左未！ ｛ 好哥哥 ｝ Aidan知道媽媽有BB，唔方便抱佢後，佢就唔會係街行行下要求我抱，但就會無時無刻都跑過嚟攬下我又錫下我，有時出街仲會幫手拎野，怕我太重，真是一個體貼窩心的好哥哥。 ｛ 吹脹了的大肚子 ｝ 第二胎個肚真係會大得快好多，仲記得上胎差唔多6個月先明顯見肚，但今胎5個月個肚已經大到要用托腹帶。 ｛ 食極都唔夠 ｝ 至從過左孕吐期之後，每日都勁好胃口，成日都想食嘢，有時食完正餐又會想食甜品！ ｛ 功夫小子 ｝ 弟弟，你可以安分一點嗎？可以俾媽媽訓一覺好的嗎？ 二寶真係太活躍，跟本就唔使計胎動的次數，因為佢真係無時停，經常郁經常踢，仲要勁大力！ ｛ 二寶新衣 ｝ 由於哥哥真係太多衫仔留落嚟，所以我地都無特登幫弟弟準備新衣。 但弟弟都有好多人錫佢架，姨姨同契媽媽都有買靚靚衫仔俾你呢！ ｛ 保護自己 ｝ 孕期27週，撞正疫症蔓延，為左好好保護胎中的小生命，除左產檢外，我完全唔敢出街，同哥哥一齊留係屋企玩就最安全！ ｛ 感謝你的到來 ｝ 弟弟，感謝你平安健康的來到爸爸媽媽的身邊，哥哥也好期待你的出生呀！ 從今以後，我地一家4口就會相親相愛，互相依賴的生活，我地好愛你呀！ ｛ 兄弟的愛，17號的約定 ｝ 兩兄弟都是17號出世，好有緣份呀！ 最愛的哥哥弟弟，爸爸媽媽會有老的一日，希望係我哋年老的時候，你地會有兄弟同你作伴，互相扶持，相親相愛！ 兄弟姊妹的相伴就是父母送給孩子最好的禮物。 希望大家會喜歡安妮媽媽畫的小繪本啦！ 歡迎欣賞第一胎的懷孕繪本 【 安妮媽媽懷孕日記繪本 】｜【 上集 】 【 安妮媽媽懷孕日記繪本 】｜【 下集 】 ———————————————————— 歡迎連絡安妮媽媽： Facebook專頁： 安妮媽媽親子日記 IG: @Annie_mama_diary | 安妮媽媽親子日記