生完BABYLAU都有快3個月了 但因為宜家疫情既問題 暫時都冇帶BB外出 身為人奶媽媽 外出時BB不在身邊 只好將親密的戰友帶在身 - 奶泵 呢篇文章想同大家開心SHARE一下我的奶泵袋有D咩 同分享一下我選用的品牌 首先 當然要買番個自己鐘意既奶泵袋 因為BABYLAU既BUDDY係MIFFY  我都將同BABYLAU用品有關的一切買唒MIFFY 當然包括奶泵袋XD 用得開心 心情自然好!! 而奶泵我選用既品牌係Medela :) 雖然佢價錢係奶泵界係比較貴 但真心好用 泵既力度溫柔 而PAPALAU特意係AMAZON訂左最新既型號 - Medela Freestyle Flex比我 而宜家佢部機仲可以連手機APP 做TRACKING 記錄番泵左幾耐 幾多ML  同時都可以做埋其他RECORD 例如幾點換左片 飲左幾多ML奶 - 人奶定係配方奶佢都有得比你簡 不過裝個APP就需要既ITUNE STORE轉去歐美地區先 亞洲地區冇呢個APP的 我出街都係帶兩個奶樽 因為大多都係4-5小時左右 通常都會先埋身餵BABYLAU再外出 咁中間係街既時間都係泵一次奶就OK了 泵好既奶 會放番係Medela既冰袋入面 - 即我係會帶埋冰種外出的 Medela既冰袋保冷功能都十分好 基本上我出5個鐘頭街 番到屋企冰種都未融的 :) 所以好放心D奶KEEP到係低溫 當然 盡可能都快手D買完野 拍完拖就快D番屋企雪番好D奶啦!!! 除左D泵奶硬件 消毒手既免沖洗消毒液我都會帶上 始終接觸呢D配件係泵奶比BB飲 我選用既係Babyganics - alcohol-free 成份都係organic 可安心使用比埋BB使用 都會再帶條手巾仔 因為有時未泵組裝緊 / 泵完都會有D奶滴 可以用毛巾仔清楚一下 另外都會多帶一SET防漏乳墊 以便真係漏左可以及時更換埋  咁泵奶既地方一定有冷氣既 咁要除上身衫泵奶有時撞正D風口位凍最多都帶定一條披肩好D了 唔係冷親 BB既食糧就會大減 所以媽媽要先好好照顧好自己身體 至可以照顧好BB 眼利既你地應該都會留意到有一支飲品 冇錯 個支係FOR上奶既JUICE 出街就梗係唔會帶啦 但番工我就會每日都帶一支分兩餐飲 泵奶之前一小時飲 可以幫助個量增加 呢個BRAND係MOMMY LICIOUS JUICE 使用香蕉花製成 純天然的上奶飲品 我最愛係芝麻味!!! 其實我都食過另一隻上奶產品 BHK的倍乳 的確後乳多左 但換黎係一星期塞奶一次 情況一次比一次嚴重 已經一直有食卵磷脂 但都解決唔到人奶太STICKY既問題 =.= 所以最尾我放棄左倍乳 只飲MOMMY JUICE 人奶媽媽呢條路真係唔易行 又驚奶唔多餵唔飽BB 當有奶了 就會瘋狂追量 - 我曾經都係咁用PP方法追量  做媽媽都會想將最好給最愛 宜家算係同BABYLAU係一個供需平衡位 我知道佢會再需要更多 但我應該頂盡了吧個ML數 同自己講奶粉都唔係毒藥 最重要保持心情愉快 比到幾多比幾多 同是人奶媽媽大家共勉之!!!