《YoMa BB班》- 自製BB用，食左落口都唔怕既顏料   前個Post share完同Jayley畫畫後， 有幾個媽媽問我（估唔到有人回應我） - 「到底選咩顏料俾BB先安全？」 - 「我BB一定會放入口，好怕。所以唔敢同佢玩顏色！」 市面上都有各種話岩BB用既顏料，列名”Washable” “non-toxic” “fingerpaint” 今次唔主要介紹產品，所以略略帶過。 但如果媽媽你仲係唔放心，怕小朋友太細又或者真係食左落口， 不如自己用小小時間為你小朋友整佢自己既顏色丫。 講到明食得落口既顏色，當然取材於食物， 方間都有好多種方法去整顏料，今次我同大家主要示範下用麵粉既方法         -麵粉 / 生粉 + 水+ 食用色素（烘焙店有） 好簡單只需用開水（室溫水便可） 加落麵粉，撈到有點杰身， 之後加入你鐘意既食用色素， 混合物太稀/杰，可加麵粉/水去自行調教 如果你唔想用食用色素，可以用新鮮食物又或者用果蔬粉去做顏色 。 今次我就用打碎左既紅蘿蔔汁去做橙色： 結果是顏色一定沒有比色素鮮艷， 不過真係100%全天然 。 整左顏色當然同Jayley 畫下畫啦 今次整左橙色，手仔盡情地玩顏色，點點印印拍拍捽捽在畫紙上，係好抽象既畫作呢 之後YoMa 我將佢變成一個橙 咁就可以教佢「橙色Orange」了 唔知Jayley鐘意真果個橙定佢幅大畫作呢 。 你地都即刻動手！同小朋友享受玩顏色既樂趣 上一篇 《YoMa BB班》- High Chair與感觀訓練 https://www.facebook.com/104950357899223/posts/106100447784214?d=n&sfns=mo *** *** *** *** *** *** 如果大家有興趣去睇吓平日我同Jayley做什麼Sensory Training, 分享下有咩地方啱小朋友去，同分享吓日常嘅生活點滴。 可以Like 我地個Page https://m.facebook.com/三頭六臂YoMaMa我的育兒手記-104950357899223 或Click 入下面條link follow我哋IG Jayleychan https://instagram.com/jayleychan?igshid=pduer619l0pr 期待下次再分享更多活動 如果媽媽們有乜嘢問題又或者都有一啲有趣嘅親子活動。 都打留言同大家分享吓 *** *** *** *** *** *** 如果有一日我個女問我： 「媽媽呢個世界有冇怪獸㗎？」 我會答佢，所有母親都係隱形地帶著三頭六臂嘅怪獸，佢哋有着非一般嘅能力，可以應付唔同嘅事力量有時勁到，自己都懷疑自己係一個咩構造嘅生物