BB 依家3個半月大, 我地想幫佢戒夜晚餐奶, 上網睇好多分享總結既有: 定立規率的時間表. 幫BB 建立睡覺的環境 讓BB 慢慢懂得分日夜, 有助建立晚上睡覺的習慣 有D朋友教, 忍心D夜晚BB 喊, 都唔餵, 就好快戒到. 有D朋友就主張盡量回應BB 的需要, 應該讓BB 自行戒夜奶. 我地就想平衡下, 希望用D方法令BB可以自己戒到. 20/8: 最後一餐 11:30 餵, 按平時, BB 應該3:30 會自己喊醒食奶. 我地決定先不好即刻餵, 而是先抱起BB 安撫下,  無幾耐, 佢又再訓番, 我地將佢抱番去床仔, 大概訓多1個小時, 之後再喊醒, 今次我地就餵BB 食奶. 哩晚佢就隔左5個鐘先食. 21/8:最後一餐11:45餵, 預計3:45 就食下一餐, 今次BB 係3點就自已喊醒, 我又再抱起佢安撫下, 佢有訓, 但唔係熟睡, 大概4:00左右, BB 開始睡得好D, 我就將佢放落床仔. 訓多半小時左右, BB 又喊醒, 之後我地就餵佢食奶. 哩晚佢就隔4個鐘45分鐘食. 我地諗住試多幾晚, 睇下BB 夜晚個餐習慣訓5個鐘先. 22/8 :可能日頭同姨丈玩跳跳跳玩得太開心同太累, 夜晚8點食完奶, 就訓得好淋, 到半夜12點叫醒阿bee再食奶時, 佢都係食得50ml, 好快又訓番, 今次訓到5:30 先起身食下一餐 . 一共訓左5個半鐘 23/8:夜晚11點餵完夜奶, bee 訓到3點半醒下, 按撫下又訓番, 到4點半左右醒下, 今次似乎係想食奶啦, 我地就餵佢飲啦. 24/8: 哩晚有D反覆, 餵完11點半餐奶, 訓到3點左右起身, 不過係起身玩, 又唔係想食奶wor, 我地同佢講一陣, 大概半小時左, 試下餵, 飲左60ml 又訓番, 到左5:30 又起身食奶啦 持續了差不多一星期, 反反覆覆咁, 雖然好多時都可以訓到5個鐘左右.　但又唔算話訓得好淋。 連續差不多一星期　BB食完12點餐奶後,一直訓到4點左右 醒下, 我地開下音樂俾佢聽,拖下佢,安撫下佢,佢又訓番, 之後再訓訓到差不多6點左右就起身。 姑娘話每個BB都不同, 應該由佢地自己主導, 佢地ready 就會自己訓到天光. 佢地既成長有時快有時慢. 慢少少又唔洗擔心, 快少少又唔一定係天才 :)