近來天氣炎熱，有時工作到個人都燥燥哋， 對住兩個女有時仲會燥到變暴龍，再咁落去唔係辦法， 一於煲返碗糖水雪凍飲下，慰勞下自己先。 紅棗雪耳燉桃膠 食譜 材料：桃膠1抓 約少半碗)、雪耳1件、紅棗10粒、冰糖適量、水2L   1. 桃膠用水浸過夜，將雜質去除，再用水清洗備用。 2. 雪耳浸軟後洗淨撕成小塊，紅棗剪半去核備用。 3. 水滾後，將桃膠、雪耳放入以大火煲滾，轉小火煲40分鐘。 4. 將紅棗及冰糖倒入，煲15分鐘即可。 --------------------------------------------------------------------- **更多簡易食譜、小菜苗與菜蜜妹妹生活日誌** ↓歡迎 Follow and like ↓ Facebook：芙芙little kitchen IG: fufu_littlekitchen -----------------------------------------------------------------------   乾桃膠份量少少已經可以發到好多，今次冇磅到實際重量， 大約係1手抓落去嘅份量，記得要俾多啲水去浸。 喜歡膠啲可以用大雪耳，喜歡稀啲用一小朵雪耳就夠。 反正都係煲，梗係要煲啲養顏又滋潤嘅糖水啦。 雪凍後會變杰身啲，我就好喜歡呢種少少杰又清甜嘅口感， 飲完成個人透心涼呀。