最近覺得個人好苦悶，日日湊女返工千篇一律， 成日淨係好想訓覺，屋企人話我可能濕重， 至幣食飯都覺得好悶，琴晚轉轉新意思， 一於整個咖哩雞翼拼薄餅嚟調劑下。 咖哩雞翼 食譜 材料：雞翼8隻、小薯仔3個（切塊）、黃咖哩醬2湯匙、椰漿200ml、魚露1湯匙、糖3茶匙、蒜蓉及薑蓉各1.5湯匙、水大半碗 醃料：醬油1湯匙、糖0.5茶匙、鹽0.5茶匙、胡椒粉適量、生粉適量 1. 雞翼洗淨抹乾後，以醃料醃30分鐘。 2. 熱油倒入薯塊煎至半熟，盛起備用。 3. 同一鑊中燒熱油，小火爆香蒜蓉薑蓉，放入黃咖哩醬炒一會。 4. 倒入雞翼炒勻後，再倒入薯塊炒勻。 5. 加入水及椰漿大火煮滾，轉中火炆煮至汁料變濃。 6. 最後加入魚露及糖調味即可。   **中火炆煮時中途要攪拌，以防黏底。**   ------------------------------------------------------------------------------- **更多簡易食譜、小菜苗與菜蜜妹妹生活日誌** ↓歡迎 Follow and like ↓ Facebook：芙芙little kitchen IG: fufu_littlekitchen -------------------------------------------------------------------------------   我用嘅係東南亞鋪頭買嘅黃咖哩醬，呢隻牌子仲有紅咖哩醬架。 如果不怕麻煩，正確做法係將薯塊炸起， 但因為芙芙唔想太熱氣，所以先用煎煮代替。 咖哩醬要先炒香。 將食材炒勻至半熟，就可以加水加椰漿慢慢炆。 如果喜歡椰香味濃啲，可以自行增加椰漿份量。 始終覺得咖哩拼薄餅係最完美嘅配搭，次次都食唔停口。