第2胎妹妹出左世3個月了，哩家先得閒打番生佢時既經歷～ 生妹妹前2晚其實都有陣痛，初頭好似好有規律咁， 但痛2-3個鐘之後就不知不覺咁訓左教 到左預產期果晚，痛左2-3個鐘都仲痛緊， 等錢寶哥哥訓左教，奶奶上黎訓一晚，睇住大仔， 老公同我就換衫拎埋走佬袋去醫院了～ 一路搭的士時都驚會唔會又係假陣痛， 因為好似慢慢痛少左... 但去到醫院門口落的士果刻又真係有痛， 咁唯有入去急症室照登記入院， 一路由職員帶上病房都係精精神神咁自己行， 輪椅都唔洗坐 入房前去檢查室check完搞手續入房上床，護士都嗌老公番屋企先 睇黎都冇咁快生，又係報假案 因為第2胎會生得較急同較快既關係 所以佢地先安排左我入產房檢查先 駁機mon左2個鐘都冇料到... 陣痛仲愈黎愈少... 醫生黎check 完都話未生得， 所以就直情問可唔可以出院先， 但醫生話已經到左40週，不如觀察下 咁唯有聽醫生話訓一晚 其實成晚都訓唔到... 因為keep住都有痛 本身陣痛都接受到，但今次既陣痛係加埋坐骨神經痛... 坐骨神經痛係痛過陣痛... 一齊黎係真係痛到入心入肺 到朝早醫生黎檢查，佢話未生得問我想唔想番屋企先 其實我真係想... 但我真係堅痛， 所以我都係留番係度... 加上痛左成晚我仍然好眼訓... 訓左陣，痛密左... 又有Ｄ開始想屙屎... (感覺同經驗話我知... 係差唔多了!!) 傳說中第2胎可以生得好快好急 所以我偷偷打電話嗌老公準備黎陪產 由於5月時疲情keep左一段日子都係 0 確診 咁岩廣華前2日回復番有限度陪產， 但只限於係產內房生仔果刻可以陪， 老公黎到通知助產士話黎陪產時，助產士話我仲精精神神冇咁快生 我唔理~ 我清楚自己既感覺，所以我又偷偷打俾老公嗌佢唔好走開 坐骨神經痛＋陣痛愈黎愈痛既關係， 廣華係行天然生仔法，係不建議亦都唔會輕易俾你聞笑氣同打無痛針... 所以我決定走去坐下瑜珈波，聽講可以舒緩下... 同埋可以促進宮頸開得快D 果然!! 坐左10幾分鐘後，就開始大痛了!! 助產士們即刻好緊張好沖忙咁扶我上床，打俾我老公 就推我入產內房... 真係好快，由真陣痛到推入產房都係大約2-3個鐘既事 入到去... 一個護士就嗌我忍住唔好生住，因為未set好腳架 一個就嗌我忍唔住就唔好等喇，照生啦 我目標係點都忍到老公入到黎  好彩老公一早準備好既關係，佢都好快就入到黎 咁我就唔忍喇～　屙ＢＢ喇!!  傳統話生第2胎係唔會剪陰，要佢自然裂開爆開， 其實我唔明點解唔剪... 唔剪真係難生好多 用力用到斷晒氣就係為左撐爆個陰俾BB出黎... 為什麼唔幫人剪一刀，用少少力就順利俾出到黎? 用盡了氣終於push左妹妹出黎，半個鐘搞掂～ 即刻可以鬆一口氣... 但仲要等助產士推埋個胎盤出黎，先可以感覺到個陰口真正收工... 姑娘幫BB抹一抹身、度高、磅重、檢查 完之後就即刻放佢係我身上， 俾ＢＢ試下第一口埋身，助產士就一路幫我縫針同按摩子宮幫助收縮推一推Ｄ惡露出黎 其實縫針同按摩子宮係仲痛過生仔 妹妹第一口埋身已經大大力吸到啜啜聲， 回想番大仔一出世時係完全唔識得啜，真係個個ＢＢ天生會唔同， 係內產房休息左差不多一個鐘， 就推番我同ＢＢ一齊番產後房了，老公就要寬別３天了～ 因為疫情期間冇得探病，就算帶物資黎都冇得親自去收。 所以就只有出院果日先可以再見了～ ---------------------------------------------------------------------- Facebook 專頁：Elvava Instagram：vava.ga