竹媽今次再入手麵包機，就係想自家製麵包比竹竹早餐時食，之前每次都用麵包機一tick過做方包，今次試下搓下細細個，等竹竹可以自己食先⠀ ⠀ 材料：⠀ 高筋麵粉 280g⠀ 糖 24g⠀ 海鹽 5g⠀ 牛油 50g⠀ 牛奶 160ml⠀ 雞蛋 25g⠀ 酵母 3g⠀ ⠀ 麵包機模式：⠀ Panasonic PT1002 Mode 20 麵團模式 （需時：1小時）⠀ ⠀ 成形&發酵：⠀ 1/ 用刮板將麵團分割成45g的大細，大約係12等份，搓成圓球形，再蓋上毛巾，靜置放15分鐘 2/ 在搓成橢圓形，蓋上毛巾，靜置放10至15分鐘⠀ 3/ 用手輕輕按壓麵團，用麵棒碌扁麵團，大概係倒三角形狀⠀ 4/ 抓住近自己果邊既麵團，由上而下一直緊緊捲起麵團，收口向下。⠀ 5/ 室溫大約30-35度，使麵團發酵60分鐘，目測麵團要發漲2倍以上，搽上蛋液。⠀ ⠀ *如果用戚風蛋糕模/錫紙盤，步驟2-4都可以省略！只需要排氣再搓圓收口向下，放入模具中，直接跳到5發酵完就入爐⠀ *做好麵團可以加入不同餡料，自家制既減糖豆沙餡/蕃薯蓉都可以比bb食架⠀ ⠀ 烘烤：⠀ 焗爐—>預熱焗爐，170度焗15分鐘。⠀ Airflyer—>預熱airflyer，140度焗15分鐘。 ⠀ ⠀ ——————————————⠀⠀ ❣️IG : www.instagram.com/tamsiumoon⠀ ❣️Fb: www.facebook.com/tamsiumoon0521 ⠀ ⠀⠀ #山竹媽X竹竹日誌 #新手媽媽 #竹竹 #育兒日誌 #二寶媽 #孕媽媽 #孕媽咪 ⠀⠀ #加固心得 #母乳餵哺