朗一路聽貓叫聲都好開心，加上丫媽超級鐘意貓貓，但屋企無養貓又想培養朗鐘意貓，決定帶朗去一次貓cafe同貓貓來個 親密接觸?!  去程訓左一陣，不過都好似未訓夠又陌生環境，係咁要抱唔肯落地，到望到附近既灰色貓貓，朗好似突然無左怕生保既情況，仲可以自己爬開向貓貓進發，望下貓貓，掂下貓貓 呢度d貓又好溫馴，有耐性唔怕人，bb摸佢地面都無嬲嬲bb，好肯同人接觸，環境都好乾淨 我最鐘意呢度無乜櫈，有好多空間比人同貓有互動同玩既地方，而且平日中午人數都唔算太多好寧靜舒適 貓貓亦好乾淨，店主對d貓好好，所以我都好放心比bb同d貓玩   有d貓cafe為左做多d生意放左好多枱(方便食嘢)，但變左人貓都無位可以郁，bb更加無辦法可以爬來爬去玩啦，大d既小朋友就可能適合d既 呢度係用時間計收費，星期二至五首個鐘都係$60蚊，之後每小時$40 想餵貓又可以加$10要一盒貓零食 包茶同咖啡可以自助沖黎飲 可以舒舒服服人貓共hea真係好開心，仲幾啱帶小朋友同貓貓培養感情添(不過都要保護貓貓，有時小朋友未識控制要教育佢地點愛護動物，咁就大家開心啦) 最鐘意呢隻貓???? 貓諗呢個bb想點 等朗再大d要再同佢黎探貓貓???? 貓CatPlay (旺角) 旺角洗衣街147號榮梅大廈1樓 温馨提示????必須先whatsapp預約 tel: 7071 2771 #親子好去處 #catplay #貓cafe #貓奴 #貓星人 #貓cafe初體驗 #自費非廣告 #真心推薦