到25W再返私家照 今次照到胎水兩邊都係7.5-7.6 所以暫時都係冇發現雙胎輸血症 鬆一口氣 但7.5-7.6嘅數值都係比較多胎水 只要過8.0就係胎水過多，所以依然係擔心有妊娠糖尿病嘅問題 所以呢個星期我都仲係要乖乖地戒甜，食醫生開嘅益生菌試下降低升糖 前一排肚皮的確經常都好緊好迫，好似就黎爆咁 飲左幾次紅豆水去水 肚皮感覺鬆左，都冇咁紫色 每日繼續勤力地搽椰子油同cream 除左想預防妊娠紋之外 其實最重要，係防只肚皮太緊，令子宮唔夠位長大 增加早產嘅機會 所以妊娠紋係其次 牛丸墨丸可以安全咁留係肚入面成長最緊要   附上一張夜晚俾兩粒丸搞到個肚變左形嘅相