【 親子好去處 - 型格泥頭車主題房2日1夜 】 我地見疫情緩和左，想係哥哥開學前，和公公婆婆來一個親子Staycation，帶佢哋去玩番兩日一夜，我同爸爸都想要舒緩下呢幾個月以來的崩緊情緒，好好放鬆下。 最近大熱的帝景酒店親子主題房真係好受歡迎呀！好好彩book到Aidan最愛的型格泥頭車主題房 ，真係開心到飛起！重點係平日的親子主題房只需要$600，仲包早餐添，勁抵！ 我地搭地鐵到荃灣站，再到B3出口，行樓梯落地面就見到酒店的免費接駁巴士站，巴士班次都幾密，15-20分鐘就有一班，好方便。 到達帝景酒店就先去Check in，Check in的過程都好快呀，每個人都需要填健康申報表，酒店職員非常有禮貌，見我地有BB車又有行李，主動問我地需唔需要幫手拎行李上房，俾哂房卡和早餐券我地就可以上房喇，YEAH！ 我地book的兒童主題房係19樓，但原來Lift只到18/19樓，出Lift後需要行上半層樓梯先到19樓，有BB車的話就會比較唔方便。 18樓一出Lift就會見到兩塊大的落地玻璃窗，可以見到海景和沙灘，陽光透射左入黎酒店真係好靚，我地係果個位都影左好多相，哈哈！ 沿住走廊行入去，已經見到每間主題房的大門都有好靚的圖案，我哋的大門係工程車圖案，Aidan一見到就勁興奮，話要入住呢間，哈哈，媽媽當然知道你鍾意啦！ 睇相時已經覺得間房好有型，估唔到現場睇仲靚，我地一入到去已經嘩嘩聲，房間空間好大，有一張特大雙人床，一張鏟泥車造型的兒童床，放埋張BB床仲有好多活動空間，仲可以望到全海景，真係好正呀！ 主題房內更有工程車玩具、積木玩具和一座玩具工作枱，枱上仲有錘子、鉗子等工具，Aidan淨係留係房都有排玩，真係當正自己係工程師。 安妮媽媽真係好鍾意張鏟泥車兒童床，勁有型，Aidan第一次自己訓過夜，朝早起身都話好鍾意張床，所以自己訓都唔會驚，好攪笑。 浴室內都有建築工程的圖案，好可愛！ 房間的景色咁靚，我哋當然要幫兩個仔仔係咁影相啦，爸爸好叻，影左好多靚相呢！ 公公婆婆都好開心呀，可以同兩個孫仔玩，又望到咁靚的大海。 我地過左公公婆婆間豪華海景房參觀下，佢哋間房同我哋同一樓層，一樣可以望到全海景，啱晒鍾意望海的公公！房間空間都好大，婆婆話張特大雙人床訓得幾舒服。 酒店內有一間小商店，有食物飲品雪糕和小量日用品買，到第二日食早餐時我地突然有需要買野，但小商店要1點先開門，酒店職員好好人呀，特登開門俾我地買，真係幫左我地好大忙呢！ 3點15分下午茶時間，酒店安排左個「迷人炫彩下午茶」俾我哋，用餐地點係旗下餐廳帝景軒，享用下午茶仲可以免費獲贈CLIO禮品。 安妮媽媽好耐無試過慢慢享受一個Afternoon tea了，放鬆的心情真係食咩都覺得好味。 甜點和鹹點整得又靚又好味，當中最令人驚喜的係香煎鵝肝意式香草包和煙三文魚酸忌廉牛角包，再加上杯荔枝椰果特飲，令人回味無窮，食得好開心。 原先諗住嘆完個下午茶就出發去麗都沙灘玩，沙灘係正酒店隔離，5分鐘就到，但原來沙灘封左未開番，好可惜呀！我哋唯有番酒店游水啦！ 因為疫情關係，酒店泳池和健身室都有人數限制，仲設有消毒清潔的時間。 夜晚我地係酒店食自助餐，今晚的主題係*東南亞。龍蝦鮑魚海鮮自助晚餐*，每人仲可以額外獲贈*泰汁凍鮑魚配香脆米通*，熱食款式都幾多，推介炭燒蒜蓉生蠔、大蝦菠蘿紅咖哩、肉骨茶豬排骨、泰式辣椒炒青口和冬蔭功海鮮湯。 我地都覺得甜品好好味，特別係班蘭海綿蛋糕和葡式燕窩蛋撻，我食左3個呀，哈哈！ 仲有好多款式的罐裝飲品任飲，haagen dazs雪糕有6種口味！ 公公婆婆每人加$78就可以任飲紅酒白酒，好嘆！ 我哋食左兩個鐘，食到勁飽就番房休息喇，真係好滿足呀！ 第二日我地一早就落去2樓食早餐，早餐有兩款選擇，每款都有配搭水果。 咖啡奶茶，果汁牛奶就係自助式。 我哋都覺得早餐份量好足夠，而且幾好味！ 早餐可以堂食，仲可以安排拎上房間享用，好貼心，我哋其中一份就打包上房俾哥哥慢慢食。 食完早餐公公婆婆番屋企先，我地就番房繼續玩，夠鐘check out後我哋再到帝景軒食lunch，點了兩份set lunch，特級安格斯牛肉漢堡和野菌黑松露忌廉扁意粉，兩份都非常好味！ 食飽就離開酒店了，過左個輕鬆舒服的兩日一夜，不過有人好唔捨得間泥頭車主題房，叫我地住多幾晚！ 由於疫情關係，兒童遊戲室暫停開放，期待下次再黎時可以玩下酒店的遊戲室啦！ 酒店的親子主題房仲有好多選擇架，森林小樹屋主題房和躍動音樂主題客房都好吸引，下次要試吓其他主題房！ 帝景酒店 訂房網址 https://www.royalview.com.hk/hk/ ————————————— 歡迎連絡安妮媽媽： Facebook專頁： 安妮媽媽親子日記 IG: @Annie_mama_diary | 安妮媽媽親子日記 E-mail : AnnieMamaDiary@gmail.com
