話說尋日我笑說自己有閱讀障礙（不是讀寫，而是閱讀），故將勁揪看成勁x，其實我沒有說笑，我真係有一點點閱讀障礙（你看畢全文就明），不過對我生活未算造成好大影響。 一切要由小學開始講起。 我小學成績係好好的 （考十名之內），直到小六學能測驗，數學推理我是能拿滿分的，但中文卻很差，回想起來，我好多時理解唔到題目，只係好從ABCDE中隨機亂填，可想而知答對的probability 係幾低。中文堂常常要朗誦課文，大家應該覺得好簡單對不對？但我卻覺得有壓力，事關我會無故讀多咗字/少咗字/錯字，當時我年幼，根本不知道自己有閱讀問題（連老師、媽咪都察覺唔到） 上到中學，我最怕嘅係寫閱讀報告，因為我其實理解唔到書本內容或者故事想表達甚麼主旨。咁我係點寫報告嘅呢？係靠睇序睇書背簡介囉。另外我最怕英文卷嘅practical skills，要閱讀理解加上listening，簡直要了我的命！ 長大後，煲劇睇戲也辛苦，我追字幕係有困難的，唔知點解總是跳字跳行調轉次序嚟睇，如果好長的一句字幕，我可能要重睇三次......人物稍為複雜嘅漫畫都搞唔掂，如Slam Dunk，試過睇兩遍，但睇幾章就要放棄（睇老父子叮噹就ok) 我近年好喜歡睇懸疑小說，例如Gone Girl，我發現睇英文尚且好一點，我諗係關乎文字結構比中文簡單好多，不過我還是睇得比較慢。 睇一串數字，如繳費要速記銀碼、記電話號碼、FPS ID，時常會錯。到最近，睇文宣，我都會睇漏字，睇啲字密麻麻嘅幼稚園通告，我睇得好辛苦。 仲有一個我估唔到原來係症狀之一嘅係：我成日撞到傢俬、門框，（我屋企放有一張購自日本的書法掛帖「家內安全」，希望我在家中少些碰撞），應該係我嘅距離感有問題。 希望無遺傳畀兩個女啦～ 我並沒有搵醫生去證實，都幾十歲咯～ #睇繪本最舒服 有少少 #圖文不符 #係高文英作品啊！ #雖然是精神病但沒關係 #成套書有齊曬 #跳起yeah #要呢套書嘅中文翻譯可pm我 參考資料： 什麼是閱讀障礙？孩子有下面這17種行為的三種以上就是閱讀障礙 https://71a.xyz/wNn4e6 「成人讀寫障礙」 自我測試 http://www.blog-kickstart.com/archives/1639 ８個特質評估讀寫障礙 https://www.eduplus.hk/edukids/detail.jsp?article_id=469 ———   冬甩冬薑媽媽—全職奴婢，照顧一家七口兩大兩小三隻貓，昔日無飯太太現自居合格廚娘。兩位寶貝女分別係：冬甩姐——四個月大時由全泵轉全埋身的樂天馬騮，冬薑妹——以逾4公斤重磅登場的感性吃貨紅髮胖胖豬妹子   想知更多冬甩冬薑的日常趣事，歡迎 follow 【小貓奴冬甩冬薑】 IG 和 FB 喔！ www.instagram.com/gingerdonutandcats | www.facebook.com/gingerdonutandcats