從未番過playgroup同N班嘅軒軒，終於番k1啦學校安排左7日適應週，頭三日都有一位家長陪同，而呢7日都只係番一小時。     9月29日 第一日番學 因為疫情關係，所以一班入面將男同學同女同學分開時間，減低人流（ 此情況只限k1小朋友）。上午班男同學番早上9:15-10:15。 好準時9:13番到門口，排隊量體溫、消毒鞋面，就可以入課室。 由於我地今日超級準時嘅關係，番埋位坐低玩左一陣lego就夠鐘收拾了然後在一小時內佢問左我好多次玩得啲車未...... 佢地枱面會貼左小朋友張學生相，等佢地知道自己座位係邊。 老師介紹完自己，排隊去洗手間、番班房飲水（疫情關係9-10月茶點取消）、 踩下單車揸下車，就放學啦，真係好快 始終第一日，軒軒未warm up，所以都無乜彩老師 問佢開唔開心中唔中意，佢答我小小唔開心小小唔中意????     9月30日 第二日 今日早左小小番到，可以去拎lego砌下啦 夠鐘收拾後，一樣排隊去洗手間、番班房飲水後，今日係去英文角聽故事。好似interview 咁，小朋友坐前面，家長坐後面，不過軒軒今次唔自己坐????‍♀️明明interview 個時都自己坐????‍♀️ 今日排隊去廁所/番課室時，老師會叫佢地試下唔使拖住家長隻手，當然軒軒未得啦       星期一早上突如其來的紅雨唔洗番學，搞到我無左最後一日一齊入去上堂      星期二開始自己入去啦，不過都仍然係適應週只係番一小時。 陪佢係門口洗完手，好快有老師接手拖左佢入班房，所以係無喊，老師真快手 放學見到我係課室門口就放聲大哭，喊住話：媽咪我好掛住您????      星期三同四番學如常喊下，由老師/校長抱入去 喊得好慘架 不過慢慢有進步啦，星期四接放學已經無喊，班主任仲讚賞番到入課室已經無喊嚕~   星期五入學校都無哭了 雖然睇得出都想喊想喊咁     10月12日 星期一 適應週完了，今日開始番兩小時，男女同學都一齊上堂，接放學時見到班房入面好熱鬧???? 可能放完兩日假有假期候群症，突然係入學校前哭 不過放學見到佢好開心，同老師越來越多交流     我幫軒軒選擇的是一所happy school，可能有部份家長唔會考慮happy school（每人都有自己不同的背景同考慮因素），但我想佢地可以開心過校園生活，幼稚園時期最應該係無憂無慮無壓力，如果連幼稚園都番得唔開心或者令到小朋友日日都唔想番學，咁日後佢地只會更無心向學。 番得開心，寓學習於娛樂，咁先有動力主動想學習 所以我最buy軒軒學校 以主題形式學習、 著重俾小朋友落手落腳去做去試去學習，不單單只對住一式一樣的課本或練習簿。學校真係好有心，連某些課本都係自家製作架 我知道有啲學校k1好快已經教緊ABC，但軒軒學校係適應週先以認識校園/參觀校園開始，然後接著學習：打招呼! 亦係我喜歡嘅因素：品德教育。     有日接放學從老師口中得知畫咗圖畫吸印仔，然後 ：您今日係咪畫咗畫？ ：係 ：您畫咗啲咩呀？ ：一條魚，橙色 ：咁吸印仔係咩圖案㗎？ ：菠蘿， 蘋果   星期五見到幅畫派返返嚟 橙色的魚？ 蘋果？???????? 不過都真係畫得唔錯，拿去貼堂吧     而今日有第一樣功課啦：貼貼紙 同軒軒講解左點做之後，佢好快手已經自己貼靚哂啦 我知道有啲學校功課係做緊連線，甚至學緊筆劃、寫數字/英文，所以happy school 真的是happy school 架                   產品試用/活動邀請/其他合作 歡迎聯絡：tanleesharon2004@yahoo.com.hk 謝謝 Fb: [http://www.facebook.com/leessssfamily]