#推介本地幼兒繪本 #小熊豆豆一家 成日都有唔少家長問我有咩繪本岩小朋友睇? 其實除左學術重要之外，我最着重既就係小朋友既品德，所以我推介「 #小熊豆豆成長系列」繪本，一共有五冊，成個系列係教導小朋友德育同正確既價值觀，而作者係小熊豆豆一家創辦人兼本地幼兒繪本作家李嘉敏，本地製作當然要支持一下啦！ 「小熊豆豆成長系列」繪本包括： 第一冊《我甚麼都知道》 第二冊《最喜歡的節日》 第三冊《媽媽有古怪》 第四冊《豆豆種蠶豆》 笫五冊《包包生日會》 呢套書最特別之處係圖畫非常精美，好吸引小朋友閱讀，而書內頁仲有貼紙遊戲玩，可以訓練埋小手肌，有得睇又有得玩真係好好，Hayden都玩得好開心，佢已經睇晒五冊喇。 《豆豆種蠶豆》呢本書係透過種豆豆既功課，教育小朋友需要對自己既功課同行為負責任，以及承擔後果。睇完我都有反思自己平日會不會太過幫助仔仔，而令佢太倚賴呢其實我地都要從小培養小朋友既責任感，讓佢地明白自己的事要自己做。 《包包生日會》呢本書係透過小朋友自製生日禮物，帶出環保既概念。而家既小朋友個個都好幸福有好多玩具，但係唔好忘記地球既資源係有限架，我地都要從小培養小朋友既環保意識，例如唔好買過多既玩具，可以將唔玩既玩具送俾朋友，亦都可以廢物利用自己製作簡單既玩具，咁就唔會造成浪費喇！ 以下書店都可以選購架 Seeds Bookstore 三聯 商務 中華