【 從幼稚園開放日感受到學校的愛心 】 早前聽朋友講起 #保良局譚華正夫人幼稚園 有開放日可以參觀，校內攪左個 歡樂嘉年華，今日我就帶左Aidan去玩，老師們真係好有心機呀！成個嘉年華的佈置好用心，完全能吸引到小朋友的興趣！ 學校因為疫情關係都非常注重衛生，進入校園前需要消毒鞋子和酒精噴手，更會利用學校的智能量體溫機量度體溫，確保每個小朋友的健康。   我哋未入學校之前已經俾校園户外的種植天地吸引到了，有太陽能小魚池和各色各樣的植物，Aidan仲參與了餵魚和為植物淋水。聽老師介紹先知原來d植物的生長過程係學生們共同參與架，會喺老師的指導下細心照顧，植物品種好多呀，有檸檬，佛手柑，蕃薯等，真係一個好好的體驗。 戶外空間仲有個大橾場，可以俾學生們係陽光下跑跑跳跳做運動，夏天仲有大水池可以玩添架，好正呀！   Aidan一入到學校就去玩攤位遊戲 : 認識保護地球的釣魚池，垃圾分類遊戲，文化體驗活動，扭氣球，親子圖工創作等。仲有由外藉老師帶領下玩的腳步觸感體驗和拋波波，從中學習英文生字，全部攤位遊戲都好好玩呀，老師們都好親切熱情，令哥哥玩得好開心。     我哋仲去咗參觀幼稚園內的課室，圖書室，體能室，音樂室，當中展示室內的各種教材Aidan好多都未見過，佢好好奇去逐一研究，老師都好有耐性為佢講解示範呢！   睇得出呢間幼稚園好鼓勵學生去自由探索和發揮創意，牆壁上都佈置咗好多俾小朋友刺激觸感的體驗，有積木牆，彩蛋牆，觸感牆，創意繪畫牆等，Aidan都好好奇去盡情探索！ 最吸引到安妮媽媽的相信就係學校投資左好多錢購入的一整套蒙特梭利教具，Aidan一玩就停唔到，可以從遊戲中學習。   另外，我好欣賞成間幼稚園都有進行環保教育，每個角落都可以揾到老師們利用不同物料製作的佈置和教具，可以讓小朋友由細就學習到環保的重要性！ Aidan番到屋企仲話今日玩得好開心，好想再去玩多次，緊係啦，今日玩左咁多遊戲又拎到小禮物，一定好滿足！ #保良局譚華正夫人幼稚園 地址: 九龍荔枝角華荔邨賞荔樓7字樓703室   幼稚園設有半日班及全日班 ———————————————- 歡迎連絡安妮媽媽： Facebook專頁： 安妮媽媽親子日記 IG: @Annie_mama_diary | 安妮媽媽親子日記 E-mail : AnnieMamaDiary@gmail.com