唔知有冇媽媽去到懷孕中期，會有突如其來既身體不適？ 我係懷孕初期，並冇經歷太強烈既唔舒服，冇人地既經常作嘔，又或者食唔落野。係頭三個月既時候，我超愛食飯，我可以食成兩碗飯。 但到左中期，我就開始有選擇困難症，唔知食咩好，又或者覺得食野係一件好支力既事。因為我之前係做飲食行業，所以食冇定時，加上係飲糖水個陣，我超左標，所以每日都要控制食量同驗血糖。 有時我可以食完早餐後，3點幾先食晏，跟住就直踩工作去到夜晚11點幾。當我肚餓既時候，已經係胃酸倒流，火燒心，頭暈既感覺，咩都唔想放落口。 醫生總話要少食多餐，唔好俾自己餓親，因為bb仲係發育期間，所以一定要食野同吸收營養。 到左而家，唔洗工作既我，我一日食足3餐，已經慣左哩個模式。但去到晚餐，我都係一樣唔知自己想食咩，又或者食完就好快肚餓。 今朝起身既我，突然覺得成身冇力，頭暈眼花，而少少就不斷踢我，有種好似想作感冒既感覺。懷孕中既我，如果唔係太唔舒服，我都唔會睇醫生，又或者食藥，因為怕對bb唔好，唔知有冇媽咪都好似我咁諗呢？ 當我坐左係床上休息左一陣後，確保自己可以企起身同冇頭暈既感覺，我就去左梳洗同食午餐。食完午餐後，我發覺我既不適亦跟住消失。我深信係因為我太肚餓，而且少少都肚餓，所以佢決左踢醒媽媽，叫我去食飯????????