[小熊與薯片兔的生活日常] 育兒好物：2-3歲訓練耐性書本   安靜書 (Quiet Book) ：可訓練bb耐性，提醒專注力，訓練小手肌同邏輯思維。   市面上有好多購買安靜書嘅途徑，例如 1. Facebook小店： 有媽媽會自製安靜書，然後出售  2. 淘寶：可淘材料包，或製成品  3. 網上免費下載，然後媽媽們動動手，DIY    哥哥嘅第一套安靜書，我係喺Facebook小店買，係其他媽媽自家製作，然後出售，由於係DIY產品，所以我訂購後都等左兩個半月先收貨，等了好久。   後來，我淘寶又搵到安靜書材料包，收到時產品時，已裁剪及印刷好，我只需自己貼上魔術貼紙就可以。(呢個性價比，雖然媽咪收到貨時要做少少手工，但好快就可以完成，唔需要用太多時間製作。)   哥哥好鐘意拎佢啲安靜書出黎玩，而且仲會一邊玩一邊講解俾我聽，成個小老師咁，教媽咪要點玩。其實佢一邊玩一邊講解，我好開心，因為睇住佢漸漸成長。(兩個月前，佢玩安靜書，係我同爸比坐旁邊指導佢，教佢認顏色/形狀/數字/配對等等。)   哥哥逐漸長大，要開始學多元化嘅野，希望哥哥從遊戲中學習。網上搵不同安靜書嘅素材，DIY安靜書俾哥哥，都係一個不錯嘅選擇。不過自己DIY安靜書就需要多啲時間(例如：搵素材，打印，剪貼，過膠) 雖然辛苦啲，但哥哥玩得開心，一切都值得。   安靜書素材網站： 1. kizclub http://www.kizclub.com/index.html   2. 免費邏輯小遊戲練習紙 https://drive.google.com/file/d/1iSDuzuEbW-m09jkk6dPbbZs29kSz5nJ6/view?fbclid=IwAR1dr-_9G28x5P9k6JlNDVzrqDP5ZjZOM6MWb58Q1uKA2JQ_9B_QHGiHpXo   #安靜書 #Quietbook #安靜書素材 #小熊與薯片兔的生活日常  #小熊與薯片兔媽媽 #香港媽媽 #香港blogger #澳門媽媽 #澳門blogger =============================== Facebook： https://www.facebook.com/jaynjocemami/   生活易靚太 club： https://wow.esdlife.com/bi_be   香港媽咪幫 mamibuy：小熊與薯片兔媽媽 https://mamibuy.com.hk/home/19407