【育兒分享????戒夜奶3步曲】⠀ ⠀ 湊初生bb最難莫過於 #戒夜奶！幾時戒到、點樣戒到，個個媽媽都應該會問過，半夜起身餵奶、掃風再泵埋奶，真係玩足3粒鐘，想再訓返既時候，bb又再喊過 ⠀ Q: 幾時戒夜奶？⠀ A: 最好係滿月後先好戒夜奶⠀ 原因：要食多啲先會飽啲訓到長啲，但BB胃仔容量好細，點塞咁多奶呢？⠀ !!欲速不達!! 夾硬餵就會吞唔落，消化不良，bb會好易嘔奶架⠀ 另外，頭一個月bb要退黃，食多啲痾多啲先可以退到黃疸，所以唔好為左戒夜奶而情願餵少餐，到滿月都退唔到黃就好麻煩????⠀ （要返去醫院抽血，入院照燈⋯⋯下刪100字）⠀ 未滿月既BB就要努力食奶奶，少食多餐啦⠀ ⠀ Q: 到滿左月，點樣觀察BB ready好戒夜奶未呢？⠀ A: 竹媽既心得係要有耐性咁嘗試將半夜果餐奶，每晚15-30分鐘咁拖延一下，例如紅豆冰2330食奶，下一餐差不多0400再食，我就會試下0415-0430先餵，初時佢真係會爆喊，但過1-2日就會調整到⠀ 竹媽戒夜奶攻略 1. 建立BB日與夜的概念⠀ #要幫bb建立一個訓覺模式，比佢地嘗試分辨日與夜⠀ 日????⠀ ✔️日頭要將屋企既窗簾打開，等自然光入屋⠀ ✔️要有適量既聲音（電視、收音機、大人傾計既聲）唔可以完全靜晒⠀ ✔️選擇訓係highchair⠀ 夜????⠀ ✔️夜晚要完全熄燈，⠀ ✔️播純音樂培養佢聽到音樂就知係夜晚訓覺，⠀ ✔️要同佢講「而家天黑喇，係夜晚，要goodnight訓覺喇」⠀ ✔️一定要比bb訓床，熟悉個日頭同夜晚訓覺環境既改變⠀ ⠀ 2. 用第一餐同最尾一餐奶去做調整⠀ 竹媽模式係用 #第一餐奶 同 #最後一餐奶 去調整其他餐既時間⠀ ✔️最初就滿月開始戒夜奶時，紅豆冰最尾餐奶係00:00-00:30餵，然後最早果餐大約會係05:00-05:30，隔一星期，就將最尾餐奶再調早半小時/第一餐奶調晏半小時⠀ ✔️每餐奶前都可以同佢換片、抹下面仔、搓下肚仔，拖延一下時間⠀ ✔️用最早&最尾餐奶去調整其餘餐數同時間⠀ 例如紅豆冰既食奶時間係：⠀ 滿月前：05:00-05:30 / 09:30-10:00 / 14:00 / 17:30 / 20:30 / 00:00-00:30⠀ 個半月：06:00-06:30 / 10:00-10:30 / 14:00 / 17:30 / 20:30 / 23:00-23:30⠀ ⠀ 3. 每餐奶（尤其係最尾果餐）都要餵飽飽⠀ ✔️最尾餐奶要比日頭既奶量增加10-20ml⠀ ✔️計算一下全日奶量大約要幾多再除返每餐要餵幾多奶，再作出調整⠀ ⠀ 4. 順其自然⠀ ✔️bb主導⠀ ✔️有時半夜bb醒左並唔係想食奶，大腦發育嘅神經刺激都會令bb半夜會有驚跳既反射動作，如果半夜喊/咦咦吖吖，可以試下拍拍佢，或者比個奶嘴佢啜，抱抱佢，如果佢靜左訓返就唔係想起身食奶⠀ ⠀ ????有媽媽分享埋身餵奶會令bb難戒夜奶，因為佢地尋求埋身果種安全感，依賴奶睡更加容易令bb半夜醒來搵媽媽埋身????????有機會更難戒夜奶，所以我自己最尾餐奶習慣會用奶樽餵，亦都更容易掌握佢食到幾多奶先會訓長啲⠀ ⠀ ????另外有媽媽為左令bb飽啲，會將最尾餐奶轉餵奶粉，因為奶粉要長啲時間消化，相比人奶會感覺飽肚啲，可以拖長下一餐既時間，其實改善人奶既質量，都可以好似好似奶粉一樣咁「飽肚」⠀ ⠀ ????如果唔介意比奶嘴bb食既，可以試下佢半夜喊時比奶嘴，睇下佢係咪真肚餓，定只係睡不穩⠀ ⠀ 希望各位BB快啲戒夜奶/拖耐少少半夜餐奶既時間，可以快啲有覺好 ⠀ #感恩竹媽有好好既陪月姨姨⠀ #感恩竹竹同紅豆冰滿月就已經戒到夜奶⠀ #理論一大堆岩用先攞去⠀ #純個人分享⠀ #試左唔work唔好比嬲嬲????⠀ ⠀ ——————————————⠀⠀⠀ ❣️IG : www.instagram.com/tamsiumoon⠀⠀ ❣️Fb: www.facebook.com/tamsiumoon0521 ⠀⠀ ❣️mamibuy blog: https://mamibuy.com.hk/home/19129⠀⠀ ❣️uBlog: https://blog.ulifestyle.com.hk/tamsiumoon⠀⠀ ⠀⠀ #山竹媽X竹豆日誌 #新手媽媽 #育兒日誌 #孕媽媽 #加固心得 #母乳餵哺 #育兒分享 #育兒日記 #竹媽廚房 ⠀⠀ #hkblogger #親子blogger #親子日常 #親子KOL #hkinfluencers #parenting #hkmomlife #hkfoodie