【將軍澳海濱長廊抵租單車推介 30蚊個鐘】 #親子好去處 #懶媽親子遊系列 #親子遊 #假日好去處 #租單車 之前去將軍澳淨係識得去單車館租單車，但要$60/鐘，兼唔近海旁！懶媽最近搵到間係正海旁，有齊大人細路單車租，又平一半嘅單車店！ 平日$30/鐘，假日$40/鐘，由3歲小童單車(可選輔助轆款)到大人車都有得租！90cm高嘅哲哲，小童單車仲差少少先踩到，94cm高嘅啦啦表姐就剛剛OK踩到！5歲啤啤表姐好叻可以直接踩小童單車，唔需要輔助轆！最近仲係寶琳新都城一期開咗分店，可以免附加費到其他分店還車。 由單車店直出20米到迴旋處，左手邊平路係去調景嶺方向，懶媽覺得比較適合初學者或比較細的小朋友，因為中間會有好多休息嘅地方同餐廳，仲有洗手間。而右手邊上橋係去日出康城方向，開頭比較辛苦要上斜上橋，但橋上風景優美，落斜更是一大快感體驗，如果怕小朋友上斜辛苦，其實有升降機上落橋，落橋後大部分平路，但要去到日出康城才有流動洗手間。兩條單車路旁邊都有好靚嘅行人路及休息座椅。   單車店： Bibaqq宏興單車（另外，寶琳新都城一期都有分店） 地址： 將軍澳至善街3號 Savannah 地下  - 將軍澳站A2出口行600米 費用：大小單車同價 （平日$30/鐘，假日$40/鐘） 營業時間： 星期一至五 11:00-21:00 /星期六、日及公眾假期 10:00-22:00   路線 1. 調景嶺方向 ： 由單車店到懶媽建議嘅回頭點，約1.7公里，以小朋友踩單車速度，中途休息5至10分鐘，大概1個半鐘至2個鐘頭來回。 路線 2. 日出康城方向： 由單車店到日出康城，約1.5公里，以小朋友嘅踩單車速度，中途在休息5分鐘，大概1個鐘至1個半鐘來回。 路線 3. 由單車店到新都城一期，約2.5公里，以小朋友踩單車速度，中途休息2-3次，每次5至10分鐘，大概2-3個鐘。 懶媽就建議路線1，踩完單車之後行去單車公園野餐，玩下吹泡泡，踢下波，休息一下，單車公園嘅唯一餐廳食物水準都唔錯，有機會可以試吓????