[#親子好去處 ]#嘉道理農場~ #賞花 #看動物 #5歲以下免費 #同場加映 #18區香港花卉展覽 #深水埗 23/2/2021(星期二) 上星期嘉道理農場開番啦~ 農場出名賞花，但據知 #櫻花 己經係農曆新年間盛放，已過 #賞花期 。不過都抱住去 #睇花 嘅心態去望望。 我哋朝早上完zoom，10:40a.m.出發。 公共交通工具(資料來自農場網站) 乘搭東鐵/巴士 於大埔墟或太和站下車，轉乘64K巴士往元朗西方向，約20-25分鐘到達一段大斜路最頂處，於嘉道理農場暨植物園門前的巴士站下車。 乘搭西鐵/巴士 於錦上路站下車，轉乘64K巴士往大埔方向，約15分鐘到達一段大斜路最頂處，於嘉道理農場暨植物園的巴士站下車。 乘搭巴士 選乘行走大埔至元朗西的64K巴士，於嘉道理農場暨植物園的巴士站下車。 農場開放時間: 早上9時30分至下午4時正。 (每日下午3時正開始，停止遊客入園及園內觀光巴士服務，直至另行通知。) 詳情請留意: https://www.kfbg.org/tc/general-information 大約11:30a.m.左右到達，有好多人係門外排隊買票。當時顯示已有423人入場，但上星期只限500人入場，非常緊張呢! (但今個星期已轉為上限1000人，所以建議去前留意網站最新安排。) 一般參觀 收費 (港幣) 12 至 59 歲 $30 5 至 11 歲 $15 5歲以下、60歲或以上長者及合資格殘疾人士 免費   5歲以下免費，所以我剩係買咗1張成人票。 另外，可以係售票處買埋園內觀光巴士票。因為農場真係好大，我都建議購買。   園內觀光巴士 收費 (港幣) 12 至 59 歲 $10 5 至 11 歲 $5 5歲以下、60歲或以上長者及合資格殘疾人士 免費   但因為我哋好晏先去到，所以只能買到2:40p.m.的車票，但這個時間，我哋應該差唔多時間要返屋企，所以我哋無買到。因此建議如要參觀，最好早D出門。 門口有地圖係展板上，可以影底張相先或者問職員拿實體路線圖也可。(注意:喺山上邊電話可能收唔到!!!十幾年前係咁，今次我都係收唔到呀)   首先我哋去咗近門口嘅素菜餐廳(只限堂食，露天座位)，點咗有機豆渣蔬菜漢堡和有機蘑菇粟米多士。豆渣蔬菜漢堡係幾特別，豆腐扒好大塊，但比較乾，所以有D膩。而蘑菇粟米多士嘅蘑菇粟米份量真係少咗d。(以上純個人意見)   記得食同唔食都好，一定要去餐廰隔離個小動物園睇狨猴，好細隻好得意，我囝囝臨走都要再睇多次。     之後，我哋係 #下山區 參觀。有些動物，如爬行類或兩棲類係室內展覽，還有些雀鳥係戶外嘅大籠裡。仲可以見到赤麂、豬同紅鶴等。   係 #花圃 裡面 #打卡 都係一個唔錯嘅選擇。   下山區唔算好多花，所以我哋決定 #行山 上 #上山區 。 自疫情後，我哋都係 #bb行山 ，4歲都可以好行得，所以我哋向上行，但條斜路馬路無乜樹蔭，好曬好熱，好辛苦，最後決定折返。     但係落返山之後，搵到第二條上山路，係樓梯路同埋有樹蔭，所以我哋又再一次嘗試。沿路有好多路人，表示阿仔好叻，行得快過佢哋，仲咁有力。   上咗樓梯約20分鐘，竟然係落斜路，同行嘅阿嬸嬸都懷疑係咪行錯咗，但問迎面而來嘅叔叔又表示我哋係要向前行。        好~我哋繼續行，結果行咗去 #四柱擎天 ，以我所知係响下山區，兜咗一個圈，又上山又下山都去唔到上山區。     其實四柱擎天隔離有條路上山，但阿囝已經行咗一個鐘頭山，睇返個地圖，有條樓梯路直接落山。所以又決定折返。落山時見到野生馬騮係樹上邊爬來爬去。 其實阿囝上山時跌倒過，擦傷咗隻腳，所以落返山想帶佢去醫療室，不過小朋友梗係唔想去，我話我哋去農場小賣店買完野食就去醫療室。 本來諗住買雪條或雪糕，我真係諗多咗，係冇得買。 但都有野飲買同一些餅乾小食。小賣店裡面仲有售賣來自台灣嘅有機食品，而且價錢合理。我買咗一罐椰子水都係6蚊，一盒糙米餅賣30元。   農場入口附近有些枱櫈供坐下，而且有傘，不怕曬。糙米餅幾好食，脆脆的而不太甜，囝囝食到唔停口。 最後，我哋去埋醫療室消毒傷口就離開。 後記 如果一心諗住賞櫻花，可能會失望。 其他花的位置也不是很集中，不會似花展咁處處花踪 。 強烈建議購買觀光車票，但可能要早些出發才能買到時間較早嘅車票。 下山區不算有很多動物看，而且好多時都匿埋咗，要捕吓先睇到。 小朋友最鐘意餐廰隔離個小動物園睇狨猴，好細隻好得意，我囝囝臨走都要再睇多次。 如果一心諗住賞花，不要期望太大。不過農場致力推行保育工作，也值得入場支持吓。 阿囝仲親自揸機同我影咗張相，今次唔係影feet。有興趣可以去搵吓張相。   回程經過美孚荔枝角公園，見到百花盛放   還同場加映18區香港花卉展覽~深水埗區   今年因疫情關係~花展改以網上進行，或亦可前往18區選定公園設置精緻園圃、主題花花圃及鬱金香花圃參觀。 https://www.hkflowershow.hk   展覽近美孚港鐵站D出口 如果帶住bb車，(先乘升降機到地面萬事達廣場才出閘)可以係E出口出，然後過對面馬路,進入公園後，往左方走(即向曼克頓山，不是圖書館那方向)，沿平路直行。<雖然港鐵指示D或F出口出，但這樣要轉乘lift，而且中途出lift，推住bb車有點麻煩> 如果D出口出(西鐵和紅色線的聯接位)，也是向左方走(即向曼克頓山，不是圖書館那方向)，沿平路直行。 留言位仲有好多相，發現一次過upload太多相，個post會有問題 如果鐘意我嘅分享，請俾個 #like 支持吓，感謝您啊~ 歡迎讚好專頁得到更多免費資訊更快緊貼我們的最近動態 ~Facebook page: https://www.facebook.com/Miss.swanswan ~Instagram: (更多孖寶和孖媽的生活趣事) https://www.instagram.com/little_twin_stars82   其他新年打卡特選~ [親子好去處]穿越時空的小格格和小阿哥 https://www.facebook.com/Miss.swanswan/posts/443909437042949 [親子好去處]賀年服打卡首選~新年氣氛滿庭園(過往3年的賀年照) https://www.facebook.com/Miss.swanswan/posts/439962530770973 [親子好去處]點至山頂咁簡單~多個免費玩法~新春優惠 https://www.facebook.com/Miss.swanswan/posts/448303129936913 [新子好去處]牛年去牛公園~應節呀~ https://www.facebook.com/Miss.swanswan/posts/449208469846379 其他創作文章(包括30+個好去處): https://www.facebook.com/Miss.swanswan/posts/341412797292614 #親子活動 #假日好去處 #kidslife, #hkmomlife, #hkblogger, #hkmum, #香港遊 #本港遊 #我愛香港 #親子行山 #放電好去處