[親子好去處] 靈魂奇遇記~38元包睇戲+室內遊樂場+兒童圖書館 #38元 #包睇戲 #室內遊樂場 #兒童圖書館 #靈魂奇遇記 #人生反思 28/2/2021(日) 上回講到上年9月，孖媽諗住趁孖寶未夠一米高可以免費入戲院睇戲，叫隊友買票。點知隊友左耳入右耳出，買足張票! 我都唔知好嬲定好笑，諗住就黎無得用優惠既最後一擊。 不過算吧!當坐得舒服d，而早場都只係38元一張票，唔算貴。 今次豬隊友醒目咗，而佢哋仲未夠一米高，仍可免費入戲院睇戲(小朋友不佔座位)~所以買咗張成人早場票，每張仍然係38元，好抵! 上次已經想介紹間戲院，但因唔小心delete哂d相，今次再去又可以詳細介紹吓。 今次門口仲增設咗救援小英雄栢利Poli和Amber電動車，小朋友勁開心。   收費以代幣形式計算，10元2個代幣，坐Poli要3個代幣(15元一局)，至於Amber要4個(20元一局)。 其實之前我哋係青衣玩過，只係6元一局。 所以我哋冇玩到。 直接入戲院，更多 #免費 玩法(要先買票入場才可享有優惠呢)~   我始終係一個 #慳家媽媽，介紹嘅地方多數唔使錢或收費便宜。 歡迎讚好專頁得到更多免費資訊更快緊貼我們的最近動態 ~Facebook page: https://www.facebook.com/Miss.swanswan ~Instagram: (更多孖寶和孖媽的生活趣事) https://www.instagram.com/little_twin_stars82   喺House 4 附近有一個小型playroom，有滑梯、小型車仔、路軌汽車等。路軌汽車超好玩，小朋友不斷玩唔停。地方雖小，但因為冇人，我哋包場玩啊。   House 5 隔離仲有個小型兒童圖書館，提供枱櫈，可以慢慢坐係度睇書。 之後夠鐘入影院，今次我哋睇咗靈魂奇遇記。 入場前，其實都知套戲係俾大人睇，唔係俾小朋友睇。 今次小朋友嘅享受程度真係無上次多啦A夢反應咁好，但意外地小朋友竟然明白交換靈魂嘅橋段。 對小朋友來說，套戲可能只係一部卡通片。 但對大人來說，是一套令人反思，有深度嘅電影!! 少少劇透: 主角阿祖係一名熱愛爵士樂嘅黑人，一直希望係表演台上發光發亮，然而懷才不遇，只能做一名教師。 直至有一日，得到難能可貴嘅演出機會，但因為意外，徘徊生死之間。 阿祖唔想就咁死咗，於是努力諗辨法返回地球。 係「投胎先修班」遇上唔想投胎嘅靈魂22號。 22號一直搵唔到「火花」，所以一直投唔到胎。 佢哋一齊展開冒險旅程就係故事嘅開始~ 阿祖初時咁想死而復生，係因為佢有心願未了，想成為出色嘅演家。靈魂22號令阿祖明白到「人生的火花」唔係在於一定要成為好出色嘅名人。原來「火花」，即是人生嘅意義原來在於有沒有珍惜每一天，懂得感恩，感謝每天不同的經歷或遭遇，那怕只是一片樹葉，徹徹底底地感受活著多好。 說真的，地球上有多少個貝多芬、愛因斯坦呢? 努力活好每一日就係我哋嘅「火花」吧! 阿祖嘅媽媽不贊成阿祖追夢，認為應該賺錢為生活。令身為父母嘅我哋反思，生活固然迫人，但理想是否可以放棄呢?? 髮型屋裡嘅人和事又是另一體會。髮型師本來想做獸醫，但因一些原因未能如願，最後成為髮型師，每天為客人理髮，也樂在其中。做人最緊要開心，即使預期未必似最初。 店內其中一位客人成日笑阿祖沒出色，就活像身邊總有些人以取笑別人，踩低別人抬高自己為樂。其實d種人先最可悲，對佢哋嚟講，生存嘅意義就係以說話傷人。 後記 如果小朋友未夠一米高，可以以38元買一張早場成人票，咁就可以一大一小入場(小朋友不佔座位)，有得睇戲，又有得玩室內遊樂場同埋睇兒童圖書。(雖然地方不算大，入影院前同埋之後玩都得架) 靈魂奇遇記係有些深度，可能較適合年長嘅小朋友睇。但大人睇完後，一定有所得著。 Candy Park by Cinema City http://www.cinemacity.com.hk/   (記得揀返愉景新城) 荃灣愉景新城第一層1036-1045號舖 2360 0910 其他創作文章(包括30+個好去處): https://www.facebook.com/Miss.swanswan/posts/341412797292614 最近也收到讀者的私訊，告訴很喜歡我的介紹，多謝支持。 亦見過有讀者話見到網上媽媽介紹，歡迎您tag返我d個網上媽媽，多謝您 如果鐘意我嘅分享，請俾個 #like 支持吓，感謝您啊~ 歡迎讚好專頁得到更多免費資訊更快緊貼我們的最近動態 ~Facebook page: https://www.facebook.com/Miss.swanswan ~Instagram: (更多孖寶和孖媽的生活趣事) https://www.instagram.com/little_twin_stars82   #親子活動 #假日好去處 #kidslife, #hkmomlife, #hkblogger, #hkmum, #hkmama #hkmamablogger #媽媽日常 #親子日常 #香港遊 #本港遊 #我愛香港 #放電好去處 #放電 #香港媽媽 #親子好去處 #親子好電影 #看電影 #睇好戲