[親子好去處] 世外蓮花園 ~看蝌蚪+紅蜻蜓+牛牛 #免費入場 #隠世 #農莊 #近百朵蓮花 #看蝌蚪 #紅蜻蜓 #看牛牛 27/3/2021(星期六) 我哋人家決定尋找另一個世外桃源，有近過百朵蓮花嘅大型蓮花池。 由 深井 出發，經過靈光小學和裕記燒鵝，穿過大紅燈籠，轉右便到達清快塘段嘅山徑入口。 整段路以樓梯和斜路嘅石路為主，沿路有部份地方有樹蔭，久唔久有些微風，唔算太辛苦。沿路有兩個涼亭同埋一個蹲式公廁，仲有些石櫈，唔怕無地方稍作休息。 行到咁上下，可以俯瞰深井嘅大廈包括地標 嘉頓麵包大廈，同埋 汀九橋。 路牌顯示步行時間約45-50分鐘，但因為帶住小朋友，所以我哋行咗1小時10分鐘左右。 到達咗 喜香農莊 ，門口有些 勒杜鵑 ，其實仲有 紫藤花 ，但已過盛放期，得番少少。 其實紫藤花一般喺三月至四月盛放，但今年早咗熱，所以明年請早。 不過唔緊要，仲有個面積算大嘅紫色蓮花池，好靚呀。 最重要係免費入場，不過都可以幫襯園主買番d飲品，甚至餐蛋麵支持吓。 小朋友最鐘意喺池邊睇蝌蚪，有好多呀~ 大開眼界之後，我哋喺農莊行咗一個圈，原路有不少牛屎。 唔通有牛睇?? 去返入口個水池，仲巧遇紅色嘅蜻蜓。喺市區真係冇見過呀~~~聽山友講，行開山嘅都有見過。但我哋真係第一次見。 原來蜻蜓都有紅色，又長知識。 最後，有兩隻牛牛經過，孖寶第一次咁近距離見到牛牛，佢哋係咁追住d牛，好興奮。 睇完花和動物，上完 生物課 就原路返番深井食燒鵝。 回程唔使半小時，真係落山容易上山難。 今期嘅介紹適合大BB行，有時間會介紹啱細BB行嘅偽行山。 記得讚好專頁，不要錯過~謝謝。 後記 此路適合較有體力唔錯嘅小朋友，雖不算難行，但上山頗花時間。 其實小朋友嘅體力係可以鍛鍊，孖寶實際係4歲，身高得3歲，但體能有5歲。 農莊不算大，但勝在免費參觀，而且蓮花池壯觀。如果鐘意行山嘅朋友，此行係不錯嘅選擇。 農莊門外嘅路有好多牛屎，記得小心睇路呀。 最重要係一定要帶備防蚊用品，沿路好多蚊呀。 多謝您的讚好，不論文章或是專頁，作為一點動力，非常感謝您。 多謝支持 歡迎讚好專頁得到更多免費資訊 更快緊貼我們的最近動態 ~Facebook page: https://www.facebook.com/Miss.swanswan   ~Instagram: (更多孖寶和孖媽的生活趣事) https://www.instagram.com/little_twin_stars82 唔好錯過以下文章啊 其他創作文章(包括30+個好去處): https://www.facebook.com/Miss.swanswan/posts/341412797292614 #親子活動 #假日好去處 #kidslife, #hkmomlife, #hkblogger, #hkmum, #香港遊 #本港遊 #我愛香港 #親子行山 #放電好去處 #bb行山 #初級行山 #香港好去處 #山系bb #山系媽媽 #戶外活動 #郊遊 #荷花池 #蓮花池 #睇牛