趁復活節長假期 相約好朋友一齊嚟過Eastercation 今次揀咗位於新界區嘅隱世親子酒店 對於住市區寶寶嚟講 去新界感覺相當神奇 初見輕鐵 感覺新奇 有如異地旅行 探索新事物 今次哩間親子酒店 位於屯門西鐵站(距離西鐵站約5至10分鐘路程) 鄰近Vcity 相當方便 可以幻想一下好似去左日本梅田商場行街咁 而且有多間餐廳 一田超市 隨時可補生活所需 今次book咗酒店親子主題企鵝房 房間有可愛企鵝造型WALL STICKER 而且整體感覺簡潔整齊  仲有爲小朋友準備房間拖鞋及牙刷套裝 相當貼心 入住Package附送兩杯haagen dazs雪糕杯 小朋友相當開心 另外仲附送Cozi小企鵝公仔 Check in時需填健康申報表及量體溫  (酒店致力確保酒店維持高規格的衛生防護標準，務求為賓客及員工提供安全及舒適的環境。此為非隔離酒店，不會為獲發強制檢疫令並須接受強制檢疫的人士辦理入住登記)  家長們相對放心 Lobby用上火車站設計 小火車仲會不定時行走 我哋另外加錢Join左朝早早餐buffet 餐廳內更有火車包箱設計  早餐Buffet包簡單西式早餐 腸仔火腿蛋Cereal 中式選擇有饅頭炒麵菜白粥 另有多款西式麵包多士Pancake生果  自助飲品包括咖啡橙汁紅茶牛奶  對小朋友嚟講已經相當豐富 食完我地就出發去屯門公園 步行約十至十五分鐘就到 一早襯人較少 先到屯門爬蟲館 免費入場 有各類熱帶爬蟲類烏龜等 另附設動物生活解說及爬蟲類進化論 極具教育意義 值得一去 而且場內有冷氣 相當悠閒舒服 離開爬蟲館 就會見到深受小朋友歡迎嘅屯門親子共融公園 屯門公園係香港首個以水和沙為主題嘅感官公園 (因疫情關係 沙同水區都暫停開放) 除咗刺激嘅繩網 大型滑梯 仲有多款新式韆鞦  Musical zone:音樂鋼管琴 仲有多款刺激感觀設施 如鐵珠仿雨聲玩意 跳彈床小山丘等 難怪小朋友玩到唔捨得走 順路可以睇一睇香港花卉展2021-屯門區 花卉展以荷蘭為主題  玩完我哋又要重返酒店 玩壓軸節目 因疫情關係 酒店為每間親子主題房客人 準備私人一小時Kids Club包場 分別有玩具耍樂區 電動車場 仲有Cosplay Zone 小朋友玩到樂極忘形 包包最愛Cosplay 扮演 至於細佬B最鍾意電動車場 平時喺出面玩50蚊得十分鐘 今次可以無限任玩 相當過癮 玩到要抄牌 笑死人咩 今次為大家推介哩間隱世親子酒店 就係屯門悅品渡假酒店 以傲遊世界為主題 除咗親子企鵝主題房 仲有以多國 如希臘日本泰國等地為主題嘅房間性價比相當高 襯疫情緩和 大家不妨帶小朋友黎個兩日一夜之旅Relax下 屯門悦品度假酒店: 香港屯門建豐街 4 號 Tel: +852 3899 9288 房間預訂 Like & Follow 包包陪細佬b看世界 facebook專頁 更多育兒資訊及親子活動為大家分享