#親子好去處 #復活節尋蛋之旅 #昂坪360 #本地親子遊 其實香港真係好多野玩~ 那有小孩唔鐘意搭纜車？ 居高臨下飽覽美景，吹著海風，甚為寫意，加上水晶車廂，腳下就是大海，視覺效果相當刺激好玩，上年帶小朋友s去過一次已成日話要Encore，今年趁復活節假期仲係涼涼地再去過~ 已有心理準備假期會多人，點知又OK喎！今次帶埋 #萬能婆婆 去當然再坐水晶車廂啦～兩小一上車已勁興奮，尤其是樂，上次來還是小Baby，今次識驚啦，又驚又興奮好鬼可愛～ 復活節假期，昂坪360仲有得玩「尋蛋滋味360」，買左纜車飛的小朋友只要成功通處走搵到五隻隱藏的復活蛋圖案，痴上自己籃蛋度，就可以玩抽獎啦! 獎品仲好豐富添～有酒店住宿+纜車門票、Switch等，可惜幸運之神不眷顧著佢地，只有大佛手機袋乙個，活動到4月11日，快d Plan下！仲有得玩呀！ 玩完尋蛋順道睇埋 昂坪360 X 恆香「恆香‧百年」展覽館，只要於昂坪市集消費憑單就可以換飛啦！館內勁多打卡位，仲可以八卦下恆香歷史添，小朋友對中式禮餅非常有興趣呢   ＝＝＝＝＝＝＝＝＝＝＝＝＝ 昂坪360 X 恆香「恆香‧百年」展覽館 日期: 2021年4月2日至6月14日 時間:上午10時30分至下午5時30分 (逢周一、周四閉館) 地點:昂坪市集 360 旅遊資訊中心側 詳情: 凡購買任何昂坪360纜車門票，並於昂坪市集任何商店或食肆內作任何消費，即可憑單據到360旅遊資訊中心，換領「恆香‧百年」展覽館門票一張。 ＝＝＝＝＝＝＝＝＝＝＝＝＝ 回程前記得在「昂坪市集圓形廣場」帶小朋友影相打卡留個紀念，有「蛋撻鞦韆」、放大版恆香經典老婆餅盒、復活彩蛋打卡牆等，一定唔可以錯過呀！ ＝＝＝＝＝＝＝＝＝＝＝＝＝ 昂坪360 X 恆香「尋蛋滋味360」 日期：2021年4月2日至6月14日 時間：上午10時30分至下午5時30分 (逢周一、周四關閉) 地點:昂坪市集圓形廣場 ＝＝＝＝＝＝＝＝＝＝＝＝＝ 昂坪360絕對能讓一家人輕鬆玩返日，臨走我地仲見到牛牛啊！愛心爆棚的樂望到眼定定，第一次咁近距離睇牛，回程時講唔停，開心仔! 復活節長假玩埋今日，多謝昂坪360為我地香港4日3夜遊劃上完美句號． 昂坪360纜車 Ngong Ping 360 Cable Car #復活節 #影相打卡 #樂悠媽咪 #玩樂分享