往年聖誕節都唔覺有咩特別,但因為今年多左女皇,節日呢樣野就變得唔同喇! 第一個帶女皇去打卡既地方係荔枝角D2 place,佢今個主題係《白雪天地 The White Planet》,整個天台由白色草鋪成,外圍有不同高度既聖誕樹,而中間就有幾間冰屋,係指定時間仲會有飄雪同光影表演! 我去左兩次都係平日,第一次就晏就3點到,成個場都係得10個8個,可以慢慢影.第二次就黃昏5點到,好多岩岩放學既學生,菲律賓/印尼姐姐,一家大細等等...所以如果無話想睇咩飄雪光影表演,建議早少少去喇! 溫馨提示 : 天氣開始凍,天台上面啲風都幾大下,記得著多件衫! 如果推BB車的話,可以直接去停車場搭lift上10樓,唔洗係正門抬嫁BB車行幾級樓梯再上電梯先搭到lift咁煩(其實係本人懶) 其他詳細資料可以去呢到睇：http://www.d2place.com/xmas2017