奶白色鮮甜魚湯 材料: 角魚 2 份 (可按喜好用其他魚類) 薑片 2-3片 做法:  1) 魚去魚鱗, 去內臟 , 清洗乾淨血水, 溺乾水, 再印乾水備用. 2) 另一邊用湯煲煮滾水.  3) 鍋開大火燒熱, 再落油燒熱油, 下薑片煎香兩邊. 4) 確保魚已印乾水份, 把魚掉入鍋, 煎香兩邊, 約8成熟. 5) 水開大火煮至大滾; 煎魚鍋同樣開大火, 6) 用大湯碗倒入約一碗滾水至煎魚鍋中, 一直用大火滾, 大分5-10分鍾, 湯水開始變奶白色後;  再重覆步驟 5-6, 加水後, 湯會變淡色, 繼續用大火滾20-25分鐘, 湯水會再次變奶白色. 7) 用鍋鏟將魚整爛, 再滾5分鐘, 魚湯會更濃更出味. 8) 關火後, 立即用隔把魚湯同湯渣隔開, 否則魚湯會被湯渣吸收掉. 9) 放涼後, 可用小盒分好, 放冰箱, 煮食時煮熱即可. 小技巧: 1) 因為魚是一份份買回來, 魚檔不幫我處理, 我需要自己去內臟, 我怕切破魚肚中的膽囊, 流出膽汁, 導至魚湯變苦. 我直接用刀, 由魚頭向魚肚方向斜切, 把魚頭和魚肚直接切掉.我見魚檔處理小魚都是這樣, 所以學著來用. 2) 魚一定要洗乾淨血水, 瀝乾再印乾水才煎, 否則魚湯會有腥味. 3) 如果不是一次飲完, 需要放冰箱儲存, 不建議加鹽和胡椒粉, 食用時再加調味即可.(小朋友進食, 其實不加調味亦可!) 4) 薑片, 建議不要切太簿, 否則易燶(焦). 5) 我不喜歡用魚袋煲魚湯, 感覺不大出味, 步驟7把魚整爛, 如果有時間, 可用攪拌機把魚肉連少少湯打爛, 再倒回煲內滾一陣, 味更濃, 魚骨打碎了, 鈣質更豐富, 但隔渣時, 需注意用更幼細地去隔渣處理. 魚湯口訣: 乾魚 (乾淨,乾身無血水), 大火, 熱鍋, 大滾水!   魚湯大變身! 魚湯嫩雞煨麵 材料:(2人分量) 小棠菜 4兩 雞鎚 4隻 魚湯 1碗 素麵 2人份量 薑汁 少許   做法:  1)小棠菜浸洗乾淨, 切碎 2) 雞鎚解凍, 去皮, 起骨, 雞肉切粒用少許薑汁醃味, 雞骨留起備用. 3) 素麵 先用滾水煮熟, 過冷河備  4) 小湯煲抹少少油, 落雞粒,雞骨炒香, 再落小棠菜炒一陣, 加入魚湯煮滾, 再加入素麵煮滾1-2分鐘, 加蓋焗一陣(至菜淋即可. 裝碗前, 記得把雞鎚骨取出, 加入雞骨煮, 只為增加魚湯鮮味!) 煮了12安士碗滿滿一碗給維尼B~ 好努力自己試用餐具食,食呀, 食呀… … 15分鐘後, 滿滿一碗被他吃清光了! 很久沒吃這麼一大碗囉~ 唯唯媽超高興, 當天整左紫薯餅乾給他做下午茶, 紫薯麵做晚餐! 小朋友吃得開心, 真是媽媽煮食的最大動力呢!