相信人奶媽都應該有聽過「優合TheOne」呢個奶泵機（我就成日係FB啲廣告見到）其實優合呢個牌子已經愈黎多媽媽用，因為性價比真係最高！今次呢篇Blog主要都係想大家分享下我嘅新寵奶泵，比下小小意見想買奶泵嘅媽媽！ 首先講下The one泵奶模式先，佢有5種，泵奶模式：按摩、吸乳、深度、混合同個人Mode，個人黎講，雖然有咁多Mode，但其實我比較中意用按摩/吸乳/混合，其他Mode我都麻地地，勝在多幾個選擇，總有啲人會岩用。當中比較特別嘅係混合Mode，佢係會有兩三下按摩＋一下吸乳咁，以前個個奶泵淨係可以分開按，呢個Mode可以刺激到個乳頭，我用呢個Mode出奶個陣都出得快啲同會多左！（依加少左奶嘅我真係感動！） 新出呢一款奶泵有6個Level，平時我都係用Lv2-3，好夠力好吸！以前聽人講優合吸個陣好死力，但So far呢個新款我接受到，比想像中舒服！只係因為佢係Touch Mon，有時會唔小心掂到，轉左去其他Mode，所以一定要記得Lock實！ 同埋呢部機比起其他機好靜，半夜起身要泵奶都唔會嘈到屋企人，我之前用S2勁大聲⋯⋯相比之下都真係好安靜～ 配件方面，佢喇叭個設計真係幾好，我以前用開個個無得拆開洗，每次洗都驚洗得唔乾淨，但呢一款佢中間可以拆出黎，大家都可以洗得乾淨啲！ FB有時見到廣告都有講The One Cup，可以騰空雙手出黎玩電話，係坐緊月個陣已經有用過，雙邊一齊泵好爽，好慳時間！不過可能我用慣左傳統個款，再用返呢個杯就麻麻地，有時坐唔直又會吸左啲奶上喉，但對手可以Free出黎真係好好～建議未習慣用傳統個款都可以一試！以前買個陣就話得24mm，原來佢係有出28mm，21mm（加返個按摩墊就變21mm），或者配個小喇叭都可以變19mm～唔係24mm嘅媽媽都可以試下喇依加！ 放個杯入去內衣入面就可以Hold住架喇！ （部機都可以配其他牌子嘅喇叭用架！細細部我帶返工都好方便）   總結一下款奶泵先：奶泵舒適：4 / 配件清洗：5 / 價錢：5 （5分為最高分） Like我地Facebook同IG會更快知道我同小恩恩既Update架！ Facebook：https://www.facebook.com/90sMummy/ Instagram: https://www.instagram.com/minarainlo/