星期六終於有機會帶茯柃去銅鑼灣既大樹先生的家到玩喇 一去到職員首先會幫我地量體溫同消毒雙手,入座後緊係叫野食先啦 餐牌食物選擇比荔枝角分店多,爸爸驚無野岩佢食都預先打定底,好彩素食都唔止一款,有得揀下 可惜兒童餐就無素食提供喇,無緣食兒童餐的小孩?!我地最後比左蕎麥麵佢食(好彩茯柃本身都食飽飯黎) 枱上有個藤籃以為咩黎,原來係一D濕紙巾,即棄食飯圍兜同片片等等.. 叫完野食就即刻去遊戲區玩啦,入遊戲區記得著襪黎呀 粉紅色波波池真係好靚呀,影相一流 Sir滑梯緊係唔少得啦 爬網區(銅鑼灣獨有)側邊邊位有少少爛左,穿左個大窿?茯柃落去個陣就入左個窿到,跟住自己爬返出黎 玩最耐竟然係煮飯仔區,估佢唔到 佢都有0-24個月遊戲區,入面有小型波波池,千秋,SIR滑梯,同荔枝角分店差唔多 另外有一個磁鐵積木區(銅鑼灣獨有),玩左兩下就走返去煮飯仔區 呢到掂兩下又去第二到,走黎走去,好彩有契媽幫手輪流睇 網球水池(銅鑼灣獨有)我地無入到去玩,因為淨係玩出面已經有排玩 Lego區 2個半鐘時間好快就過,因為玩左陣又入返去食野,食完野又出過去玩過! 茯柃玩完上左bb車無幾耐已經訓到豬咁,無曬電 ———————————————————————————————————- 鐘意可以like我地facebook / Follow我地instagram支持下嫁： Facebook 茯柃。媽媽。大小日常 : https://m.facebook.com/veronicadiary Instagram :https://www.instagram.com/nica_chung/ YouTube：Veronica Diary