藍天白雲，天氣涼涼地～最啱就去戶外走走～ 帶小朋友親親大自然～從玩樂中學習！ 好多遊樂設施玩，訓係搖搖吊床享受人生～ 望住湖景，環境優美舒適～ 仲有用蝶豆花製作嘅美食～不錯嘅體驗！ 影片分享 大埔地鐵站A出口，入隧道行去小巴總站 乘搭20P專線小巴，往嵐山 同司機講係蝶豆花園落就得，會喺呢個位置停車，大約15分鐘車程～ 落車後行過對面馬路就係，1分鐘路程都唔使！ 一入門口就係餵羊同兔仔嘅地方！ 餵小動物小朋友最開心～ 用咗隻棄船做烏龜嘅屋企 呢度有餐廳提供輕食同飲品，仲有特色嘅蝶豆美食 蝶豆花有花青素，有抗氧化、抗炎功效！ 農莊遊套餐： 成人$100 小童（三歲以上）$70 大人同小朋友禮物㗎！ 大人：天鵝號觀光船15分鐘、蝴蝶祈福牌、環保袋、儲印章遊戲紙、飲品券 小童：充氣彈床20分鐘、沙畫、環保袋、儲印章遊戲紙 好靚喎！用蝴蝶砌成嘅少女公主裙 出面係好靚嘅山景同湖景！非常清幽～ 出發搵印章啦！見到隻巨型蝴蝶要扮好驚嚇喎⋯ 地方好靚～影相打卡一流！ 套票送嘅天鵝船，但係呀仔冇咩興趣，所以換咗啲草去餵小動物！ 祈福蝴蝶牌，寫上願望掛上去～希望願望成真！ 七彩養蜂箱 歐陸式嘅風車！打卡熱點啊！ 有好多遊樂設施！小朋友好開心～ 套票送嘅彈床20分鐘，不過可能冇人玩嘅關係，我仔跳左幾分鐘就唔玩啦！哈哈～ 平日關係比較清靜，冇小朋友一齊玩冇咁熱鬧～ 仲有好多打卡位都好靚㗎～ 仲可以舉辦綠色婚禮，可以喺度證婚～ 另一套票包含嘅繩索繩網區，刺激好玩！ 場內提供多個流動洗手間 蝶豆花乾精品，做手信都唔錯啊～ 可以參考下一其他手工製作班套票 平日真係非常休閒！Hea下Hea下好舒服～ 隱世農莊！洗條心靈好地方～ ！戶外地方多蚊，記得做好防蚊措施啊！ *親子農莊–蝶豆花園* 地址：新界大埔鳳園路8號 Whatapp預約：65835111 Facebook專頁：https://www.facebook.com/butterflyvalleytaipo/ 官網：http://www.butterfly-valley.com/ ———————————— Follow 埋 IG:https://www.instagram.com/chochomamami/ 100個＋親子好去處(不定時更新) https://www.facebook.com/1028553953955138/posts/1436213656522497?sfns=mo ———————————— #4Y #全職媽媽 #親子 #大埔 #戶外 #大自然 #parentalblogger #hkblogger #好去處 #放電 #遊樂場 #親子好去處 #親子遊 #生日會