哲哲之前睇醫生，一入到醫生房已經開始喊，喊住醫生又聽唔到肺，又唔肯俾姑娘探熱，又唔肯擘大個口睇喉嚨，喊住都要緊閉雙唇，轉咗4個醫生都係咁！媽媽真係無晒辦法。 後來，有位醫生教路，吩咐我哋連續一個月，每日都要同小朋友玩醫生病人扮演遊戲，最重要係佩戴埋口罩！ 除此之外，懶媽仲係台灣買多咗本有關睇醫生嘅繪本《加油！熊醫生》俾哲哲，裏面有多好得意嘅活動頁，睇醫生嘅唔同步驟都可以喺繪本裏面呈現出來。 依家哲哲好鍾意拎起個肚腩比懶媽聽，終於都冇咁驚睇醫生，雖然都仲係要攬實懶媽睇醫生，但係無喊可以聽到個肺嘅聲音，睇到喉嚨有無紅，懶媽已經覺得好感恩。 圖書資料： 《加油！熊醫生》 ISBN： 9789577625601 出版社： 上誼文化實業股份有限公司 ------------------ 【懶媽親子育兒記】 全職媽媽，2018年育有一子，有一個喜歡影相嘅相公。想同大家分享育兒中的生活點滴，童書分享，玩具分享，育兒問題分享，吃、喝、玩、樂資訊，家庭生活，親子好去處，透過插圖漫畫分享育兒趣事。 FB：facebook.com/lazymablog IG：instagram.com/lazymablog Contact: lazymablog@gmail.com