夏至啦~~~~~~ 今年時間比以往過得更快 ，信義妹每日好似乜都無做過，但係都攰到不得了。。。。。。唉~~~ 好吧~ 大家齊齊消消暑啦~~~   消暑除咗西瓜，冬瓜都係一個唔錯既選擇。每次食冬瓜，信義妹都會煲冬瓜茶，因為冬瓜茶用皮同囊就可以啦~~又唔浪費。當然唔想搞咁多野， 放埋一齊入去煲湯都可以啊~~~~   先講講冬瓜茶食譜 材料 冬瓜皮和囊 1份 片糖 2-3條 水 1升   步驟 1 起皮起囊 2 水滾就可以放落去啦~ 3 煲大約30至45分鐘加糖 4 調教適合自己的甜度   *材料好多時都會睇下當時買幾大件冬瓜來計的，糖既份量會比平常落多啲。因為會分開份量再雪入冰櫃等第日再可以沖水享用。   *信義妹通常都會自製珍珠加埋入去既~~~~   陳皮全鴨湯 （8至10人份量） 基於而家信義妹要成日煮大鑊飯，淨係鴨腿係唔夠分架啦~~ 咁就全鴨啦~~~   材料 冰鮮鴨 1 隻 冬瓜 半個 蟲草花  一大堆 冬菇 約半斤 蝦仁 20隻 陳皮 1個 *蟲草花和冬菇記得先洗浸啊~~~~   鴨調味料 鹽 小許 生抽 2至3湯匙 老抽 2至3湯匙 *五香粉可以落，但信義妹無啊~~~~     步驟 1 先將鴨分大件，清洗，再醃3小時 （起脾起翼，鴨身分兩邊。記得要起肥膏呀~~~） 2 冬瓜，冬菇切粒，陳皮切絲 3 準備一大煲水（湯煲），水滾放蟲草花煲大約20分鐘 4 先將鴨白鑊兩邊煎一至兩分鐘，皮嗰面先落啊~~~煎好後盛起備用 ~~ （鴨頭，頸，腳煎好後，可以先放入有湯煲一齊煲） 5 白鑊炒香陳皮絲後，再將蝦仁冬菇都抄下，最後就放冬瓜。 6 輕輕炒香就開始放1至2勺一早煲好的蟲草花水啦 7 煮至冬瓜半熟狀態就可以將所有材料（鴨除外）倒入有湯煲啦 8 煲大約30分鐘，可以加入鴨身，再煲大約15至20分鐘後，就將脾翼都一齊加埋入去煲啦~~~ 9 再煲10分鐘就食得啦~~~   *鐘意湯味的，可以係湯再加少少調味啊~~~   小卷小立食得好開心呀~~~~~ 成日都叫再煮再煮~~~~                       信義藍星札記 Facebook Page https://www.facebook.com/IncredibleShunyeemui/ Instagram https://www.instagram.com/IncredibleShunyeemui/