肺炎令好多懷孕中和新手媽媽增添好多擔憂, 尤其是已經感染了肺炎的媽媽, 除了會擔心自己會傳染給初生BB外, 更會擔心可唔可以餵母乳, 病毒會唔會透過母乳傳染俾BB. 但最新的報告顯示, 其實只要做足安全措施, 新手媽媽照顧BB, 甚至餵母乳, 其實風險都唔算高. 今次呢個係回溯性的隊列研究, 喺美國紐約追蹤了101對感染了肺炎的媽媽和沒有受感染的初嬰6星期, 媽咪同BB在同一空間, 但保持至少1.8米 (six feet) 距離. 媽咪可以逗BB玩, 甚至埋身餵哺母乳, 但每次同BB接觸前必須戴口罩, 用番梘和清水潔淨雙手和乳房. 報告顯示, 101對親子當中, 只有2個BB呈陽性反應, 當中兩個都沒有病徵出現. 美國哥倫比亞大學醫學院的婦產科醫生Dr. Gyamfi-Bannerman表示, 雖然今次的研究規模是比較少, 但建議如果是做足衛生和防疫措施, 媽媽餵母乳是沒有問題的. 各位母乳媽媽, 加油! Ref: JAMA Pediatr. Published online October 12, 2020. doi:10.1001/jamapediatrics.2020.4298 My FB: https://www.facebook.com/AnnieLeeDiet #新冠肺炎 #支持餵哺母乳 #營養師 #Nutritionist #AnnieLee