[親子好去處]一次過玩盡新舊式遊樂場+6元電動車 #巨型毛蟲攀爬架 #馬馬搖搖椅 #小型初級歷奇攀爬網 #大車輪滑梯 #適合大B和細B #推BB車都去到 #偽行山 #美景公園 #賞花 #RoyCar 遊樂場開返啦~~~等到頸都長埋~   之前成日走咗去 行山 。 雖然行山係一個好好嘅體能活動同埋又可認識大自然，但小朋友有時都鐘意去 免費遊樂場 。   之前介紹過依個公園有楓香樹，又有落羽松，即係有紅葉睇呀。   雖然依家過咗紅葉嘅季節，但 簕杜鵑 盛開緊，桃紅色、黃色和白色，真係好靚呀。   而且湖泊美景，再加埋 瀑布 、蓮花 同埋 烏龜 ，真係一個環境清幽嘅靚公園。 仲有 樓梯 或 斜路 嘅 偽行山小徑，細B都可玩行山呀~   最重要係個遊樂場!!!! 遊樂場被域分咗四層，每層有唔同嘅遊樂設施。(帶住bb車可能要拎住bb車行幾級去另一層玩，唔算多級) 最正係乜野?   1)巨型毛蟲攀爬架(Caterpillar) 喺條毛蟲上面爬黎爬去，小朋友覺得好刺激呢~   2)馬馬搖搖椅 可以好多個小朋友坐係上面一齊搖，孖媽小時候都好似有玩過，好懷舊呀~ 3)小型初級歷奇攀爬網 細BB和中BB可能未夠膽去玩歷奇，但這個初楷版真係唔錯唔錯。 4)小朋友屋企 有間小屋仔，裡面有枱有櫈，門外有傳聲筒，像真度甚高。   5)大小朋友都啱玩 滑梯都有分大小，而且亦有訓練手仔肌肉嘅設施。   仲有呀~~~係依個公園隔離有個懷舊公園，有大車輪滑梯同小木屋。孖媽嘅 童年回憶 返哂黎~小朋友第一次見到咁懷舊嘅遊樂場，超興奮，玩得勁開心。 最後當然仲有等咗好耐嘅六元電動車!! 但仲未有得玩。 成件事好複雜，望穿秋水等到25/3，見到開返Poli car ，但28/3見到換咗另一架車車，變咗Roy Car(fireman)，不過封住咗。 去到今日，仲係封住咗。 希望下次有機會玩啦~6蚊玩一次真係好抵。(上次介紹間戲院要15蚊架)   ~~超好玩公園青衣公園~~ 交通: 1) 青衣站B出口出(喺青衣城1樓跟指示牌往青衣運動場方向走)，經過Pie and Tart和通利琴行，向前行到天橋，過天橋到對面，左邊樓梯，右邊斜路(岩推bb車行)。落地面，向左行就係入口，十分方便~ 2)如果搭巴士/小巴，除咗青衣運動場和青衣公園嘅巴士站外，亦可選擇青衣商場或青衣邨宜業樓落車。   ~~懷舊公園~~ 穿過青衣商場就見到   ~~6元電動車~~ 青衣商場地下(大家樂旁)   當日我一帶二，大家加油~~   多謝您的讚好，不論文章或是專頁，作為一點動力，非常感謝您。 多謝支持~~ 歡迎讚好專頁得到更多免費資訊 更快緊貼我們的最近動態   ~Facebook page: https://www.facebook.com/Miss.swanswan ~Instagram: (更多孖寶和孖媽的生活趣事) https://www.instagram.com/little_twin_stars82   唔好錯過以下文章啊 其他創作文章(包括40+個好去處): https://www.facebook.com/Miss.swanswan/posts/341412797292614 #親子活動 #假日好去處 #kidslife, #hkmomlife, #hkblogger, #hkmum, #復活節好去處  #親子行山