副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

〝媽咪谷係邪教” 之 阿媽反擊

其實我唔會怪啲「非教友」話媽媽谷係邪教*,女人一旦成為咗阿媽,就會變成另一物種,成個重心去晒BB度,為B死為B亡都無怨無悔,犧牲超大,偏激咗少少有幾出奇。坐月絕對係黑暗期,生完已經虛脫,仲十日十夜唔瞓

其實我唔會怪啲「非教友」話媽媽谷係邪教*,女人一旦成為咗阿媽,就會變成另一物種,成個重心去晒BB度,為B死為B亡都無怨無悔,犧牲超大,偏激咗少少有幾出奇。坐月絕對係黑暗期,生完已經虛脫,仲十日十夜唔瞓餵人奶,牙都唔記得刷、尿都冇時間屙,總之為阿B去到幾盡都得,其他人未試過被迫到埋牆角再入埋水泥裡面好難會明。  不過爸爸們,你以為老婆加入咗媽媽谷係入邪教學壞咗?俾媽媽谷儉財?分分鐘媽媽谷救咗你都唔知!等於你入車迷谷、旅遊谷參考人哋換呔鈴經驗、掃吓平機票,有冇諗過老婆唔入谷你仲驚,咩都盲中中自己摸索,買錯晒啲嘢又或者買漏晒啲嘢,你又唔幫手搜集資料,唔只浪費時間金錢,到時倒瀉籮蟹,我包你俾煩燥嘅老婆爆樽都似。 好喇,爸爸唔幫手唔緊要,媽媽自己抽時間去搵資料,去學新嘢,點知你又得把口,話媽媽谷盛傳嗰啲全部係假資料、偽科學,爸爸自己唔去學新嘢又去challenge 老婆學錯嘢。醫學報告都成日推陳出新啦,你自己中學bio 堂學嗰啲皮毛仲敢拎出嚟獻醜,唔出聲冇人話你啞,唔該唔幫手都唔好搞亂檔,真係抵你俾老婆鬧。    爸爸們有冇成長? 講真呢個世界充滿假資訊,媽媽谷都冇幸免,所以我又唔係話媽媽谷咩都啱晒,不過爸爸們要質疑反駁,導老婆向善都要做吓功課,唔好信口雌黃,又要懶又要嘈。 不過,咁多精神瀕臨崩潰嘅媽媽走埋一齊,除咗互相鼓勵支持,頌讚媽媽真偉大去平衡一下自我犧牲,都梗係會一齊鬧吓C6 (死佬) 同99 (奶奶),有乜出奇吖,你咪畀老婆發洩吓囉,又唔係兜口兜面爆你,自己有壓力自己搵出口,或者借吓人把口講自己心聲費事鬧得你咁應棍,咁又唔得? 做人阿爸喇,你話老婆入咗媽媽邪教嘅同時,衡量吓自己嘅辛酸同老婆嘅辛酸,邊個辛苦啲?喺你瞓到打晒鼻寒嘅同時,老婆有幾耐冇瞓超過三小時你又知唔知?如果爸爸們睇完呢篇有慚愧、有懺悔超過三秒,你已經開始成長。 註: *想睇邪教原文去我FB