副食品
貼紙書
親子餐廳
親子共讀
積木
產後瘦身
教養
拼圖
戒夜奶
追奶

[親子好去處]世外桃源X沙灘玩樂X親子餐廳CafeRoma

唔使同人迫!超休閒嘅隱世親子餐廳~ 自從之前嚟過幾次馬灣之後,完全迷上左呢個地方呢!喜歡人不多~寧靜舒適嘅感覺! 青衣、荃灣、葵涌有專線巴士直達,只需15至20分鐘~非常方便!班次資料 非一般嘅玩樂空間!唔再係波波池⋯可以親親自然環境~呼吸新鮮空氣! 一坐低就有一箱玩具迎接小朋友!有填顏色、小玩具、貼紙等~等家長可以安心點餐啊! 餐廳內還有提供圖書角,看看圖書亦消磨不少時間! 兒童餐具選用加拿大獲獎品牌!Marcus & Marcus的皇牌產品「沙灘玩樂餐盤」,設計如立體的沙池、城堡及小水池等,未用餐已經好興奮! 小朋友最愛嘅兒童餐,外型吸引~蕃茄西蘭花蝴蝶粉要sir咗滑梯先食得⋯哈哈!選用意大利新鮮進口的聖馬爾扎諾番茄炮製,有別於其他車厘茄,酸度較低味道鮮甜,皮薄肉嫩,味道天然適合小朋友!我仔極速清碟呀~超正! 兒童餐還包括是日餐湯(南瓜忌廉湯)、果汁、時令新鮮水果~分量適合兒童!$98份全日供應 *逢星期二至五,另加港幣$48 即可將主菜升級至自製薄餅體驗,小朋友可親手挑選食材,製作專屬薄餅添! 餐廳食物水準非常出色!超有份量嘅西餐美食~必食推介:焗法國軟芝士配白松露油、迷迭香及松子$138 芝士味非常香濃,暖暖口感配上香脆多士,一口接一口!一啲都唔膩~ 聖馬爾扎諾番茄配水牛芝士 $128 蕃茄鮮甜!新鮮口感清爽~ 香辣蒜蝦$158 少少辣味,唔食得辣嘅我都食到!非常惹味! 脆炸蕃茄意大利飯芝士球$88 好食呀!入邊係意大利飯再伴埋蕃茄香草醬,超開胃~小朋友都好啱食! 意大利蜆肉長通粉$148 蜆肉好新鮮!醬汁好獨特,好開胃~ 黑松露卡邦尼闊條麵$148 大愛~黑松露超香!白醬汁濃郁~口感豐富! 香烤全天然雞(全隻)$378 一啲都唔乾,肉質鮮嫩多汁!配上烤肉汁好夾!配菜炸番薯條,香脆又香甜~比起薯條更好吃!分量十足,一家人食好有氣氛! 真空低溫烹調美國豬肋骨(全份)$268 低溫烹調保持肉質鮮嫩多汁,以燒烤汁調味非常好食~亦分量十足!食到飽飽! 還伴有番茄雜菜,係外國人份量!超滿足~ 餅底超薄嘅茄子芝士薄餅$138 用茄子做薄餅真係未試過!原來可以咁好食! 夏威夷薄餅$128 菠蘿、蕃茄、煙肉做Pizza最夾,簡單又好食! 餅底係超薄!非常啱我口味,喜歡薄餅底更好味!Pizza的邊邊係脆餅乾咁,全塊可以吃掉~ Pizza好大塊㗎!好正! 朋友點的咖啡⋯超寫意~ 超級睛嘅果汁~媽媽們超享受呢~ 必食甜品!心太軟朱古力蛋糕$88 朱古力醬流出嚟!配埋雪糕食超正~又凍又暖口感好幸福!食多個都仲得呀!哈哈~ 食物實在非常好食! 小朋友玩樂嘅地方就係餐廳側邊~ 提供多種遊樂設施免費玩樂 打鼓、車車、各種挖沙玩具~小朋友玩到忘形 挪亞方舟就係隔離咋!如果去方舟玩過嚟食嘢都好方便! 約埋一大班朋友來玩非常開心!可以喺度舉行生日會、party都不錯啊! 個個玩到唔願走~實在好好玩! 因為會玩沙,天氣熱仲可以出去玩水!記得帶多套衫去更換啊~ 以下係餐廳餐牌可以參考下~ 佢哋份量好大而且價錢唔算貴呀! 食物非常美味,同老公嚟拍拖望吓夜景都唔錯~ 餐廳仲有舉辦「兒童薄餅工作坊」小朋友可獲贈專屬的廚師帽及圍裙套裝,變身成為廚師自己親手製作薄餅~完成後更可獲頒發證書一張。 好有趣!有機會都要去玩下~ *工作坊詳情* 收費:每位小童港幣$320 費用包括:薄餅材料、果汁一杯、證書一張、廚師帽及圍裙套裝 (*只需另加港幣$80 即可享圍裙繡名 服務,詳情請與職員查詢) 工作坊時間:約 1 小時 名額:八位起即可自組工作坊 對象:適合 2 歲或以上小孩參與 Cafe Roma 地址:香港珀麗灣沙灘商場地下 7-8 號舖 (馬灣東灣泳灘右側) 營業時間:下午 12 時至晚上 11 時(逢星期一休息) 電話:(852) 3446 1226 網址:www.caferoma.com.hk Facebook:www.facebook.com/caferoma.hk  Instagram:www.instagram.com/caferomahk ———————————— Follow 埋 IG:https://www.instagram.com/chochomamami/ 100個+親子好去處(不定時更新) https://www.facebook.com/1028553953955138/posts/1436213656522497?sfns=mo ———————————— #4Y #全職媽媽 #親子 #親子遊 #生日會 #parentalblogger #hkblogger #好去處 #放電 #親子好去處 #caferoma #親子餐廳